Mourinho មានវិធីបង្វឹកកូនក្រុមតាមវីដេអូខល នឹងចាប់ផ្តើមនៅសប្តាហ៍ក្រោយ

2020-03-30 03:15:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Jose Mourinho នឹងជ្រើសយកវិធីសាស្រ្តបង្វឹកកូនក្រុមតាមវីដេអូខលជាក្រុម ដោយចាប់ផ្តើមនៅសប្តាហ៍ក្រោយ(ថ្ងៃចន្ទ)។ នោះបើយោងតាមប្រភពពី dailymail។

Jose កាលពីនៅបង្វឹកកូនក្រុមផ្ទាល់ /រូបថត៖ PA

អ្នកចាត់ការទូទៅក្លឹបមាន់ខ្នាយមាសរូបនេះ នឹងជ្រើសយកវីធីខាងលើ ដើម្បីតាមដានមើលថា កូនក្រុមខ្លួន (fit) មានរបៀបហូបអាហារត្រឹមត្រូវ ឬក៏អត់។ ម្យ៉ាងទៀត លោកមានបំណងចង់ឲ្យប្រាកដថា កីឡាករមិនខ្ជិលច្រអូសអំឡុងពេលនៅផ្ទះក្នុងស្ថានភាពវីរុសវាយប្រហារនេះ និងឆ្លៀតពេលបានជួបជុំគ្នា។

លើសពីនេះទៀត កីឡាករឆ្នើមប្រចាំក្រុម Heung-Min Son (កូរ៉េខាងត្បូង) និង Steven Bergwijn (ហូឡង់) ក៏ត្រូវបានក្លឹបប្រកាសអនុញ្ញាតិឲ្យត្រឡប់ទៅលេងស្រុកកំណើត ប៉ុន្តែត្រូវតែមានវត្តមានអំឡុងហ្វឹកហាត់តាមពេលវីដេអូខល នោះផងដែរ។

គំនិតដែលក្លឹប Spurs គ្រោងនឹងធ្វើខាងលើនេះ ប្រហែលជាដំណោះស្រាយដ៏ល្អប្រសើរ មុនគេ ខណៈក្លឹបដទៃមិនទាន់បានឮដំណឹងថា ហ្វឹកហាត់របៀបម៉េចនោះទេ។

រំឮកផងដែរថា អំឡុងពេលវីរុស COVID-19 វាយលុកយ៉ាងខ្លាំងក្លា លីគកំពូលផ្សេងៗដូចជា Premier League (លើកពេលដល់ថ្ងៃទី ៣០ ខែខែមេសា) ឯ Serie A , La Liga, Bundesliga និង Ligue 1 ត្រូវបានផ្អាក ខណៈដែលពាន Euro 2020 និង Copa America 2020 ត្រូវបានប្រកាសពន្យារពេលការប្រកួតដល់ឆ្នាំ ២០២១ ឯណោះ៕

ប្រភព៖ Dailymail ប្រែសម្រួល៖ រក្សា