ការិយាល័យសន្តិសុខផ្ទៃក្នុង នៃស្នងការដ្ឋាននគរបាលរាជធានីភ្នំពេញ បានធ្វេីការសហការជាមួយនាយកដ្ឋានចារកម្ម បានឃាត់ខ្លួនជនជាតិចិនចំនួន ០២នាក់ នៅខាងមុខអាកាសយានដ្ឋានអន្តរជាតិភ្នំពេញ នៅលេីផ្លូវសហព័ន្ធរុស្សុី ខណ្ឌពោធិ៍សែនជ័យ រាជធានីភ្នំពេញ នៅពេលដែលកំពុងតែចុះលក់ និងចែកចាយផលិតផលហាមឃាត់។ នេះប់ើយោង​តាម​ ស្នងការដ្ឋាននគរបាលរាជធានីភ្នំពេញ ដែលធ្វើ​ឡើង​កាល​ពី​ថ្ងៃ​ទី៣០ ខែមីនា ឆ្នាំ២០២០។

ជនជាតិចិនចំនួន ០២នាក់នេះ មានឈ្មោះ ជីង ហាយឈឹង ភេទប្រុស អាយុ៣៨ឆ្នាំ ជនជាតិចិន មានទីលំនៅបច្ចុប្បន្ន ផ្ទះលេខ២៧Eo ផ្លូវ២៨០ សង្កាត់វាលវង់ខណ្ឌ៧មករា រាជធានីភ្នំពេញ និង​ឈ្មោះ ឈិន អុីងហ្វាន ភេទស្រី អាយុ៣៧ឆ្នាំ ជនជាតិចិន ។ វត្ថុតាងរឹបអូសបានរួមមានផលិត​ផលធ្វេីតេស្តរកមេរោគកូវីដ១៩ (COVID 19)ចំនួន១៣ប្រអប់ធំស្មេីនិងចំនួន ២៦០ប្រអប់តូច៕

ប្រភព៖ ស្នងការដ្ឋាននគរបាលរាជធានីភ្នំពេញ