Messi និងអតីតកីឡាករ Barca ២ រូបទៀតបរិច្ចាគ ៣ លានអឺរ៉ូ ក្រោយមន្ទីរពេទ្យមួយសុំជំនួយ

2020-04-06 03:10:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីថ្ងៃសៅរ៍កន្លងទៅ អ្នកចាត់ការទូទៅក្លឹប Al Sadd លោក Xavi Hernandez និងភរិយា Núria Cunillera បានប្រកាសបរិច្ចាគទឹកប្រាក់ ១ លានអឺរ៉ូ (ប្រមាណជា ១ លានដុល្លារអាមេរិក) ជួយដល់មន្ទីរពេទ្យមួយឈ្មោះ Clinic ស្ថិតនៅទីក្រុងបាសេឡូណា ក្នុងការប្រយុទ្ធប្រឆាំងនឹងវីរុស COVID-19 ។

Xavi Hernandez និងភរិយា / រូបថត៖ GettyImages

រំឮកបន្តិចដែរថា មន្ទីពេទ្យខាងលើ បានប្រកាសសុំជំនួយពីសប្បុរសជននានា ក្នុងគោលបំណងបន្ថែមនូវបរិក្ខារពេទ្យបន្ទាន់ ក៏ដូចជា ឧបករណ៍ការពារបុគ្គលិកពេទ្យ ដែលមានចំនួនច្រើនពាន់នាក់។

ក្នុងនោះដែរ កាលពីពាក់កណ្ដាលខែមីនាកន្លងទៅ ប្រធានក្រុម Lionel Messi និងអ្នកចាត់ការទូទៅក្លឹប Manchester City លោក Pep Guardiola ក៏បានបរិច្ចាគទឹកប្រាក់ក្នុងម្នាក់ ១ លានអឺរ៉ូដូចគ្នា សរុបទៅកីឡាករក្រុមអ្នកមានបុណ្យបានបរិច្ចាគ ៣ លានអឺរ៉ូហើយដើម្បីជួយដល់មន្ទីរពេទ្យដែលមានមូលដ្ឋានតំបន់កាតាឡាន់មួយនេះ។

សម្រាប់ Messi ក៏បានយកចំណែកមួយទៀត ជួយដល់មន្ទីរពេទ្យឯស្រុកកំណើត ក្នុងប្រទេសអាហ្សង់ទីនផងដែរ បើទោះបីជាមានការស្នើកាត់ប្រាក់ខែជាង ៧០% ពីសំណាក់ក្លឹបខ្លួនក៏ដោយ។

Messi និងអតីតកីឡាករ Barcelona

គិតមកទល់ថ្ងៃទី ៦ ខែមេសា ២០២០ អេស្ប៉ាញ ឡើងមកឈរលេខ ២ ក្រោយសហរដ្ឋអាមេរិក ដែលជាប្រទេសកើតមានករណីឆ្លងខ្ពស់បំផុត ពោលគឺ ករណីឆ្លងចំនួន ១៣១ ៦៤៦ នាក់ អ្នកស្លាប់កើនដល់ ១២ ៦៤១ នាក់ និងអ្នកជាសះស្បើយចំនួន ៣៨ ០៨០ នាក់៕

ប្រភព៖ Goal ប្រែសម្រួល៖ រក្សា