របាយការណ៍ ១៣​ទំព័រ​របស់​ NASA ទម្លាយ​ពីការ​ទៅភព​ព្រះចន្ទ និង​ភព​អង្គារ

  • 2020-04-06 03:48:49
  • ចំនួនមតិ 0 | ចំនួនចែករំលែក 0

ចន្លោះមិនឃើញ


អង្គការ NASA បាន​បញ្ជូន​របាយការណ៍​កម្រាស់ ១៣ទំព័រ​ដែល​មាន​ចំណងជើង​ថា «NASA's Plan for Sustained Lunar Exploration and Development» ទៅកាន់​ក្រុមប្រឹក្សា​អវកាស​ជាតិ​កាលពី​ថ្ងៃទី៣ ខែមេសា ឆ្នាំ២០២០។ ក្នុងរបាយការណ៍​នេះ គឺមាន​ខ្លឹមសារ​សំខាន់​និយាយពី​ការបញ្ជូនមនុស្ស​ទៅកាន់​ភពព្រះចន្ទ និង​ភពអង្គារ នៅឆ្នាំ​២០២៤។

រូបតំណាង
របាយការណ៍នេះ បានផ្តោត​លើ​ការបោះមូលដ្ឋាន​ នៃកម្មវិធី Artemis ពោលគឺមាន​បំណង​ដាក់​មនុស្ស​ស្នាក់នៅ​ភពព្រះចន្ទ ដោយក្នុងនោះ​គ្រោង​សាងសង់​ទីជម្រក​នៅ​រណ្តៅ Shackleton ស្ថិតនៅប៉ូល​ខាងត្បូង​​ភពព្រះចន្ទ។

ជំរំ​នេះ អាចឱ្យអ្នកអវកាស​៤នាក់​ស្នាក់នៅបាន​ ក្នុង​រយៈពេល​មួយសប្តាហ៍ ហើយបើ​ចង់នៅយូរទៀត លុះត្រាតែ​ត្រូវការហេដ្ឋារចនាសម្ព័ន្ធ​បន្ថែម។ មូលដ្ឋាននេះ ក៏នឹងមាន​ប្រព័ន្ធចល័ត២គ្រឿងផងដែរ សម្រាប់​ដឹកអ្នកអវកាស​បើកបរលើផ្ទៃដីភព​ព្រះចន្ទ។

ក្នុងរបាយការណ៍ដដែលបញ្ជាក់ថា ភពព្រះចន្ទ​នឹងត្រូវយកធ្វើមូលដ្ឋាន​ឈ្នាន់មួយ​សម្រាប់​អ្នកអវកាស​ធ្វើដំណើរ​បន្តទៅភព​អង្គារ ដែលត្រូវបាន​ហៅថា «Gateway»។

បេសកកម្ម​ទាំងនេះ នឹង​ក្លាយ​ជាបេសកកម្ម​ក្នុងទីអវកាស​ដ៏ជ្រៅ​ដែលមាន​រយៈពេលយូរជាងគេបំផុត​ក្នុង​ប្រវត្តិសាស្រ្ត។ អ្នកអវកាស​នឹង​ត្រូវធ្វើតេស្ត​ប្រតិបត្តិការ​លើកដំបូង សម្រាប់​ការត្រៀមខ្លួន​នៅក្នុងទីអវកាស​រយៈពេលដ៏យូរនេះ ហើយបែងចែក​ប្រតិបត្តិការ​សំដៅ​បញ្ជូន​មនុស្ស​ដំបូងទៅ​ភពអង្គារ៕

ប្រភព៖ Sputnik News ប្រែ​សម្រួល៖ សំភី

អត្ថបទថ្មី
;