វេជ្ជបណ្ឌិតប្រចាំក្លឹបមួយនៅ League 1 បារាំងសម្លាប់ខ្លួន ក្រោយចេញរោគផ្ទុកវីរុស

2020-04-06 08:04:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Bernard Gonzalez ដែលជា វេជ្ជបណ្ឌិតប្រចាំក្លឹប Reims នៅឈរលេខ ៦ ក្នុងតារាងលីគកំពូលបារាំង ត្រូវបានគេដឹងថា រូបលោកសម្រេចធ្វើអត្តឃាត ក្រោយដឹងថាចេញរោគសញ្ញាមានផ្ទុកវីរុស COVID-19 ។ នេះបើយោងតាមការចុះផ្សាយរបស់សារព័ត៌មាន Goal។

សេចក្តីជូនដំណឹងនូវទុក្ខដ៏ក្រៀមក្រំ លោក Bernard Gonzalez

ដោយឡែក បើតាមការបញ្ជាក់របស់ប្រធានក្លឹបលោក Jean-Pierre Caillot បាននិយាយប្រាប់សារព័ត៌មានក្នុងស្រុកបារាំង ទាំងសោកស្ដាយ វេជ្ជបណ្ឌិតមានចំណេះដឹងពេញខ្លួន ទាំងវិទ្យាសាស្ត្រនិងអក្សរសាស្ត្រ បានសម្រេចចិត្តលាចាកលោកដោយមិនលាមួយម៉ាត់។

វេជ្ជបណ្ឌិតប្រចាំក្លឹបវ័យ ៦០ ឆ្នាំ រូបនោះបានបម្រើការជូនក្លឹបជាង ២៣ ឆ្នាំមកហើយ។ រីឯរឿងរ៉ាវដែលថា លោកដុកទ័រ Bernard សម្លាប់ខ្លួន បែបនោះ ខាងភាគីក្លឹបមិនបញ្ជាក់ ឲ្យប្រភពសារព័ត៌មានបានដឹងនោះឡើយ កំពុងនៅជាករណីសង្ស័យ ផ្ទុយទៅវិញ ក្លឹបបានចេញសេចក្តីជូនដំណឹងនូវទុក្ខដ៏ក្រៀមក្រំ សូម្បីតែប្រធានក្លឹបក៏ភ្ញាក់ផ្អើលនឹងរឿងនេះដែរ៕

ប្រភព៖ Goal ប្រែសម្រួល៖ រក្សា