អូស្រ្ដាលី លត់កោះ Samoa ៣១-០ វគ្គជម្រុះ World Cup បន្សល់ទុកនូវរឿងរ៉ាវ អ្នកអាចនឹងមិនធ្លាប់ដឹង

2020-04-12 23:06:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិ អូស្រ្តាលី ធ្លាប់មានប្រវត្តិស៊ុតចូលក្រុមគូប្រជែងដល់ ៣១ គ្រាប់ដោយមិនឲ្យតដៃបានសោះ ដោយបានជាប់ជា ក្រុមរកគ្រាប់បញ្ចូលទីច្រើនជាងគេ ក្នុងការប្រកួតអន្តរជាតិ។

កាលនោះគឺការប្រកួតវគ្គជម្រុះពានរង្វាន់បាល់ទាត់ពិភពលោក 2002 FIFA World Cup ប្រចាំទ្វីបអូស្យានី អូស្រ្តាលី ប៉ះនឹងក្រុមកោះ Samoa នៅថ្ងៃទី ១១ ខែមេសា ឆ្នាំ ២០០១ ។ ក្រុមក្នុងពូល(Group 1) មានដូចជាប្រទេស ហ្វីជី, កោះ Samoa, តុងហ្គោ, និង American Samoa ។

ខាងក្រោមនេះជារឿងរ៉ាវ១១ យ៉ាងក្រោយចប់ប្រកួតរវាង អូស្រ្តាលី ទល់នឹងកោះ Samoa ដែលអ្នកប្រហែលមិនធ្លាប់ដឹង៖

១) កីឡាករ ១៩ នាក់ក្នុងបញ្ជីដែលត្រូវមកប្រកួត មានបញ្ហាផុតថ្ងៃកំណត់លិខិតឆ្លងដែន

២) កីឡាករបម្រុងដែលយកចេញពីឈុតជម្រើសជាតិ U20 មិនអាចលេងបានព្រោះ ជាប់ប្រឡង

៣) គ្រូបង្វឹកលោក Tony Langkilde ធ្លាប់បានប្រាប់ថា កីឡាករខ្លះរបស់លោក ដែលសម្រេចដាក់ចូលនោះ ទើបនឹងមកលេងពេញ ៩០ នាទីលើកទី ១ (មិនធ្លាប់លេងពេញតង់)

៤) គេឃើញផ្លាក ស៊ុតចូលគ្រាប់ទី ៣២ តែអាជ្ញាកណ្ដាលលើទីលាន រំសាយមិនឲ្យវិញ ដោយគ្មានមូលហេតុ

៥) គ្រាប់ចូលទាំង ៣១ នោះលេងតែ ៨០ នាទីប៉ុណ្ណោះ ពោលគឺ ១០ នាទីចុងក្រោយ អូស្រ្តាលី មិនស៊ុត

៦) កីឡាករ Archie Thompson ស៊ុតចូលម្នាក់ឯង ១៣ គ្រាប់ក្នុងចំណោមគ្រាប់ទាំង ៣១

៧) ស្ថិតិក្រុមកោះ Samoa ពេលនោះស៊ុតបាន ១ ជើងគត់ចាំអ្នកចាំទី(នៅនាទី ៨៦)

៨) មុនប្រកួតនោះចំនួន ២ ថ្ងៃ អូស្រ្តាលី លត់ តុងហ្គោ ដល់ទៅ ២២ គ្រាប់

៩) កីឡាករ John Aloisi ដែលស៊ុតចូល តុងហ្គោ ៦ គ្រាប់ម្នាក់ឯងនោះ គ្រូមិនទាន់ដាក់ចូលលេងផង

១០) កីឡាករ Thompson ជាប់កំណត់ត្រាពិភពលោក ស៊ុតចូល ១៣ ម្នាក់ឯងក្នុងការប្រកួតផ្លូវការ

១១) លទ្ធផលឈ្នះ ដ៏ត្រចះត្រចង់ នៅក្នុងតំបន់ជម្រុះប្រចាំទ្វីប ដែលមានកម្រិតទាបមួយនេះ បានរុញឲ្យ អូស្រ្តាលី ត្រូវផ្ទេរទ្វីប មកប្រកួតជម្រុះក្នុងតំបន់អាស៊ីវិញគឺ AFC ក្នុងឆ្នាំ ២០០៦៕

ទស្សនាវីដេអូហាយឡាយខាងក្រោម៖

រូបភាពផេកហ្វេសប៊ុក៖ 433

រំឮកផងដែរថា កាលពីឆ្នាំ ២០១៥ ក្រុមជម្រើសជាតិអាយុក្រោម ២៣ឆ្នាំ ហ្វីជី បានយកឈ្នះក្រុម U23 មីក្រូណេស៊ីដោយលទ្ធផល ៣៨-០ ក្នុងការប្រកួត Pacific Games លើកទី១៥ មាន២៤ក្រុមមកពីតាមប្រទេសជាកោះនៅមហាសមុទ្រប៉ាស៊ីហ្វិក។

ក្នុងការប្រកួតខាងលើនេះ មានកីឡាករម្នាក់អាចរកបាន១០គ្រាប់ម្នាក់ឯងគឺ កីឡាករ Antonio Tuivuna ជួយក្រុមហ្វីជី បាននាំមុខ ២១-០ ក្នុងតង់ទីមួយ។

ក្រុមអ្នករៀបចំព្រឹត្តិការណ៍ខាងលើ បាននិយាយថាលទ្ធផលនេះគឺ បានបំបែកកំណត់ត្រាការប្រកួតមានគ្រាប់បាល់ច្រើនជាងគេនៅឆ្នាំ ២០០១ ខាងលើទៅហើយ។

យ៉ាងណាមិញខាង FIFA បានបញ្ជាក់ថា លទ្ធផលនេះមិនអាចយកជាការបាន ឬបំបែកកំណត់ត្រាគ្រាប់បាល់ខាងលើទេ ដោយសារថា ក្រុមហ្វីជី ឈ្នះក្រុម មីក្រូណេស៊ី ៣៨-០ ជាឈុតក្រុមយុវជនក្រោមអាយុ២៣ ឆ្នាំ។

ចំណែកឯក្រុមមីក្រូណេស៊ី ប្រកួតដំបូងក្នុងព្រឹត្តិការណ៍ Pacific Games ចាញ់ក្រុម Tahiti ដោយលទ្ធផល ៣០-០ មុនមកចាញ់ក្រុមហ្វីជីនេះ។

ទស្សនាវីដេអូហាយឡាយខាងក្រោម៖