Fellaini អតីតកីឡាករ Man Utd ជាពី Covid-19 ហើយ

2020-04-15 02:01:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Marouane Fellaini អតីតខ្សែបម្រើរបស់ Man Utd និងតារាបាល់ទាត់ក្លឹប Shandong Luneng ប្រទេសចិន បានជាសះស្បើយពីជំងឺ Covid-19 ហើយ ក្រោយសម្រាកព្យាបាលអស់ជាច្រើនសប្ដាហ៍។

សេចក្ដីថ្លែងខ្លីមួយរបស់ក្លឹប Shandong Luneng ចុះផ្សាយលើគេហទំព័រ Goal កាលពីម្សិលមិញបានឱ្យដឹងថា ៖”Fellaini ត្រូវបានគេវាយតម្លៃ និងមានន័យថាបានជាសះស្បើយ ហើយត្រូវបានគេឱ្យចេញពីមន្ទីរពេទ្យនៅថ្ងៃនេះ"។

ចំណែកជម្រើសជាតិបែលហ្សិកវ័យ៣២ឆ្នាំ ក៏បានបង្ហាញលើ Instagram បង្ហាញពីការជាសះស្បើយពីកូរ៉ូណារបស់គេដូចគ្នា។

“ជាពេលវេលាសម្រាប់ខ្ញុំ ត្រូវអរគុណអស់ពីចិត្ត ចំពោះបុគ្គលិកពេទ្យ បុគ្គលិកថែទាំ ដែលបានមើលថែខ្ញុំយ៉ាងល្អ និងលួងលោមធានាខ្ញុំនៅទីនេះ។ វាជាពេលពិបាកខ្លាំងមែនទែននៅពីក្រោយខ្ញុំ! ចូរយើងប្រយុទ្ធប្រឆាំង វាពិតជាសំខាន់ណាស់!”។

Fellaini ដែលផ្លាស់ទៅលេង Super League ប្រទេសចិននៅខែកុម្ភៈ ឆ្នាំ២០១៩ បន្ទាប់បានលេងនៅ Old Trafford ៥ឆ្នាំកន្លះ បានឆ្លងវីរុសកូរ៉ូណា កាលពីថ្ងៃទី២២ ខែមីនា ឆ្នាំ២០២០៕

ប្រភព៖ Goal ប្រែសម្រួល៖ អ៊ុំ សុភក្តិ