Martinez ធ្វើសកម្មភាពមនុស្សធម៍ស្ងាត់ៗមួយនៅឯស្រុកកំណើត

2020-04-15 07:14:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Lautaro Martinez ត្រូវបានប្រភពពីសារព័ត៌មាននៅអ៊ីតាលី ចុះផ្សាយថា រូបគេបានធ្វើសកម្មភាពមនុស្សធម៍មួយ ដោយបរិច្ចាគជាសម្ភារៈតាមរយៈមូលនិធិនៅប្រទេសអាហ្សង់ទីន ដើម្បីជួយដល់មន្ទីរពេទ្យក្នុងតំបន់ Bahia Blanca ដែលកំពុងរងការវាយប្រហារដោយវីរុសកូវី១៩ កាលពីថ្ងៃ ១៤ ខែមេសា ២០២០ កន្លងទៅ។

Lautaro Martinez រូបថត៖ B/R

យ៉ាងហោចណាស់ គេឃើញមានសម្ភារៈដែលត្រូវបរិច្ចាគចែកជា ២ ផ្នែកធំៗដែលមានជាបរិក្ខារពេទ្យបន្ថែម និងឧបករណ៍ការពារបន្ទាន់ ដោយកញ្ចប់ទី ១ ត្រូវបញ្ជូនទៅកាលពីថ្ងៃម្សិលមិញ មានដូចជា ទឹកអាល់កុលលាងដៃចំនួន ៤៣៥០ លីត្រស្រោមដៃពេទ្យ ១០០០ គូ សម្លៀកបំពាក់ការពារ ៦៥០០ កំប្លេ(សំរាប់) ម៉ាសមុខ ៣៨០០ និងរបាំងផ្ទាស្ទិកការពារចំនួន ៧០០០។ ចំណែកកញ្ចប់ទី ២ នឹងត្រូវបញ្ជូនទៅដើមខែក្រោយបន្ថែមទៀត។

ប្រធានមន្ទីរពេទ្យលោក Hector Gay ក៏បានថ្លែងអំណរគុណចំពោះទឹកចិត្តរបស់ កីឡាករវ័យ ២២ ឆ្នាំរូបនេះជាអនេក។

ខ្សែប្រយុទ្ធជម្រើសជាតិរូបនេះ បានយកប្រាក់ហ៊ោបៅខ្លួន ជាមួយនឹងមិត្តស្រី Agustina Gandolfo ជាតារាម៉ូឌែល មកជួយជាហូហែរនៅក្នុងប្រទេសអ៊ីតាលី ដែលជាកន្លែងក្លឹបខ្លួនកំពុងប្រកបអាជីព ដែលរងការវាយប្រហារខ្លាំងដោយវីរុសកូវី១៩ មានអ្នកស្លាប់ច្រើនជាងគេលើពិភពលោក៕