កីឡាករក្លឹប ROMA នៅអ៊ីតាលី ស្ម័គ្រចិត្តមិនយកប្រាក់ឈ្នួលព្រោះមូលហេតុនេះ

2020-04-20 02:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករទាំងអស់ រួមទាំងលោក Paulo Fonseca ជាអ្នកចាត់ការទូទៅ នឹងបុគ្គលិកក្លឹប AS Roma បានព្រមព្រៀងគ្នា ហើយក៏បានប្រកាសស្ម័គ្រចិត្តមិនយកប្រាក់ឈ្នួលរហូតដល់ ៤ ខែព្រោះតែចង់ចូលរួមចំណែកទប់ស្កាត់កុំឲ្យក្លឹបជួបបញ្ហាហរិញ្ញាវត្ថុ និងរួមចំណែកក្នុងការបរិច្ចាគដល់អ្នករងគ្រោះដោយសារវិបត្តិវីរុសកូវីដ១៩។ ប្រការនេះមានន័យថា ប្រធានក្លឹប នឹងមិនខ្វល់ខ្វាយរឿងប្រាក់ឈ្នួលរបស់កីឡាករឡើយរយៈពេល ៤ ខែខាងមុខនេះ។

ឈុត ១១ នាក់ដំបូងរបស់ ROMA

រំឮកផងដែរថា ប្រទេសអ៊ីុតាលី ហាក់បានធូរស្រាលពីករណីស្លាប់ដោយសារវីរុសខ្លះហើយ។ គិតត្រឹមថ្ងៃទី ២០ ខែមេសា ២០២០ ចំនួនអ្នកឆ្លងធ្លាក់មកត្រឹមលេខ ៣ បន្ទាប់ពីអេស្ប៉ាញ និងសហរដ្ឋអាមេរិក ពោលគឺមានអ្នកឆ្លង ១៧៨ ៩៧២ នាក់(មិនកើនឡើង) ចំនួនអ្នកស្លាប់ ២៣ ៦៦០ នាក់ និងកើនអ្នកជាដល់ ៤៧ ០៥៥ នាក់៕

ទទួលបានព័ត៌មានថ្មីៗ លឿនរហ័សទាន់ចិត្ត កុំភ្លេចទាញយក App Kley Kley ឥឡូវនេះ

-Android: play.google.com

-iOS: apps.apple.com/us/app

ប្រភព៖ Sky Sports ប្រែសម្រួល៖ រក្សា