រូប១សន្លឹកដែល NASA ថតបាននៅលើភពអង្គារ មានរូបរាងដូចសត្វនាគ

2020-04-22 00:21:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អង្គការណាសា (NASA) បានចាប់យករូបភាព១សន្លឹកបាននៅលើភពអង្គារ ដែលមានលក្ខណៈចម្លែកស្រដៀងនឹងរូបសត្វនាគ១ក្បាលដ៏ធំ។ បើតាមអ្នកជំនាញផ្នែកបេសកកម្មលំហអាកាស បានឲ្យដឹងថា រូបភាពនេះបង្កើតឡើងដោយបាតុភូតធម្មជាតិខុសៗគ្នា ដែលកំពុងកើតនៅលើភពអង្គារ។

រូបថតនេះ ផ្ដិតបានដោយយានអវកាស MRO (Mars Reconnaissance Orbiter) ដោយប្រើបច្ចេកវិទ្យាកាមេរ៉ាថតបែប High Resolution Imaging Experiment (HiRISE) របស់មន្ទីរពិសោធន៍សកលវិទ្យាល័យ Arizon ស្ថិតនៅកម្ពស់ប្រមាណ ២៥៧គីឡូម៉ែត្រពីផ្ទៃភពអង្គារ។ យានអវកាស MRO ត្រូវអង្គការណាសាបាញ់បង្ហោះឡើងទៅលំហកាលពីឆ្នាំ២០០៥កន្លងទៅ។

ក្រុមការងារ HiRISE បានប្រាប់ថា រូបថតខាងលើថតនៅតំបន់មួយនៅលើភពអង្គារ ដែលគេហៅថា Melas Chasma។ វាគឺជាអន្លង់ដីមួយកន្លែង ដែលពោរពេញទៅដោយបណ្ដុំនៃពន្លឺបែបស្រាល និងងងឹតខ្លាំង។ បណ្ដុំនៃពន្លឺទាំងនោះមានទំហំខុសៗគ្នា ហើយខ្លះមានអង្កត់ផ្ចិតជម្រៅចន្លោះពី ១០០ ដល់ ៥០០ម៉ែត្រឯណោះ។ បាតុភូតនេះបូករួមទាំងកម្លាំងខ្យល់ ក៏ដូចជាសកម្មភាពរចិតវិវត្តន៍ទើបបង្កើតបានជារូបភាពស្រដៀងទៅនឹងសត្វនាគនេះឡើង៕