សឹង្ហបុរី បង្ហោះរូប Super hero អប់រំពលរដ្ឋតែបង្កប់ពាក្យចង់ឌឺដងក្រុម Liverpool

2020-04-22 02:56:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីពេលថ្មីៗនេះ រដ្ឋាភិបាលសិង្ហបុរី បានបង្កើតកម្មវិធីប្រកួតប្រជែងស្នាដៃធ្វើសារអប់រំនៅលើផ្ទាំងគំនូរឌីជីថល ដែលបើកឲ្យអ្នកមានទេពកោសល្យបញ្ចេញថ្វីដៃ ក្នងន័យចង់ឲ្យ ពលរដ្ឋស្វែងយល់ពី ការការពារខ្លួនពីវីរុសកូវីដ១៩។

រូបដែល បង្ហោះដោយ Page ផ្លូវការ Gov.sg

ក្នុងនោះដែរ មានរូបមួយសន្លឹកដែលគេចាប់អារម្មណ៍ ដោយនៅលើរូប Super hero នោះមានបង្កប់នូវរូបតំណាង ក្លឹបហង្សក្រហមមួយនេះដោយគូសបន្ទាត់ក្រហមឆូត។

មិនត្រឹមតែប៉ុណ្ណោះ មានពាក្យមួយឃ្លាដែលគេឃើញ MAWA-Man ទោះជាមិនមានការបំភ្លឺណាមួយពីអត្ថន័យពាក្យពេញ តែគេអាចយល់បានថា ចេតនាអ្នកគូរចង់សំដៅ (Must Always Walk Alone-ចាំបាច់ត្រូវតែដើរម្នាក់ឯងបានហើយ)។ គំនូនេះគឺក្នុងគោលបំណង លើកតម្កើងនិងចូលរួមអនុវត្តគំលាតសង្គម ឫក៏ Social Distancing ប៉ុណ្ណោះ

ដោយឡែកពាក្យនេះ គឺផ្ទុយទៅនឹងពាក្យស្លោករបស់ក្រុមខ្លាំងនៅអង់គ្លេសមួយនេះ ដែលគេតែងតែឮគឺ You'll Never Walk Alone ។

ពាក្យស្លោករបស់ Liverpool

យោងតាមប្រភពពី South china morning post រូបប៉ុន្មានសន្លឹកនេះ ត្រូវបានអ្នកគាំទ្រក្រុម Liverpool មិនពេញចិត្ត ដោយស្នើឲ្យរដ្ឋាភិបាលសិង្ហបុរី លុបចេញ ឬធ្វើថ្មី។ យ៉ាងណា ប៉ុន្មានម៉ោងក្រោយមក ក៏មានបង្ហោះសុុំការអធ្យាស្រ័យ នឹងបានផ្លាស់ប្តូរ concept ថ្មីជំនួសវិញ៕