នៅតែផ្ទះច្រើនពេក ខាត់ សុខឃីម កំពុងភ័យខ្លួនរឿងមួយនេះណាស់!

2020-04-23 03:20:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាចម្រៀងសម័យ និងប្រពៃណីវ័យ៤០ឆ្នាំ អ្នកនាង ខាត់ សុខឃីម កំពុងភ័យខ្លួនរឿងឡើងគីឡូស្រឺតៗ ពោលគឺឡើងទម្ងន់ពី៥០ ដល់៦០គីឡូក្រាមហើយ ក្នុងរយៈពេលតែជាងពីរខែប៉ុណ្ណោះដែលនឹងសម្រាកនៅផ្ទះគេចពីកូវិដ-១៩។

អ្នកនាង ខាត់ សុខឃីម និយាយថា នៅពេលដែលទំនេរច្រើនពីការងារសិល្បៈ ហើយសម្ងំតែនៅផ្ទះដូចសព្វថ្ងៃនេះ បានធ្វើឲ្យរបបអាហាររបស់នាងខុសមុនឆ្ងាយ។ ចំណីអាហារផ្អាប់ និងឆ្ងាញ់ៗ ត្រូវបាននាងញ៉ាំច្រើន ហើយញឹកញាប់ទៅតាមចំណង់ចំណូលចិត្ត និងពេលវេលាអំណោយផល។

ខាត់ សុខឃីម៖ "យើងហាត់ដែរដើម្បីសម្រកទម្ងន់នៅផ្ទះមិនដូចហាត់នៅក្លឹបទេ...គីឡូនៅតែឡើង។ ទាល់តែរកវិធីសម្រកថ្មីថែមទៀតហើយមើលទៅ ព្រោះបងព្រួយបារម្ភពីសុខភាពដែរនឹងណាអូន"។

រូបភាព៖ ហ្វេសប៊ុក ខាត់ សុឃីម

តារាចម្រៀង និងកំប្លែងសម្បូរថ្វីមាត់រូបនេះ កំពុងបារម្ភពីសុខភាពខ្លាំងណាស់ដែរ ដោយខ្លាចធាត់លើសទម្ងន់ ហើយបច្ចុប្បន្នកំពុងរកវិធីសម្រកទម្ងន់ឲ្យចុះមកនៅត្រឹមទម្ងន់៥០គីឡូដូចដើមវិញ។ ជារៀងរាល់ព្រឹក និងល្ងាច នាងបានចំណាយពេលរត់ហាត់ប្រាណយ៉ាងហោច២០នាទី នៅក្នុងបរិវេណបុរីដែលនាងរស់នៅ៕

អត្ថបទ៖ ជិន សុភ័ក្ដ្រ