FIFA គ្រោងនឹងបើកឲ្យប្តូរកីឡាករបាន ៥ នាក់ក្នុងមួយប្រកួត ក្រោយវីរុសកូវីដ១៩ ផុតទៅ

2020-04-28 02:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គម្រោងនៃការផ្តល់ជម្រើសឲ្យបង្កើនចំនួនប្តូរកីឡាករបាន ៥ នាក់ក្នុងមួយប្រកួត កំពុងត្រូវបានដាក់ស្នើរជាបណ្ដោះអាសន្នហើយទៅកាន់ អង្គភាពផ្នែករៀបចំក្បួនច្បាប់ប្រកួត ហៅកាត់ថា IFAB របស់ស្ថាប័នបាល់ទាត់ពិភពលោក FIFA ។

រូបថត៖ Reuters

ការបន្ថែមចំនួនបែបនេះអាចនឹងភ្ជាប់ជាមួយលក្ខខណ្ឌ ២ ទៀតគឺ ទី ១ អាចដូរបាន ៥ នាក់បើការប្រកួតបញ្ចប់ទៅ ៩០ នាទី(រកអ្នកឈ្នះឃើញ)។ ទី ២ អាចថែមបាន ១ ទៀត(សរុបទៅដូរបាន ៦ នាក់) នៅម៉ោងបន្ថែម (១៥ នាទីចំនួន ២ ដង) ។

FIFA បានរំលេចផងដែរនូវគោលបំណងគឺ ដើម្បីជាវិធានការការពារកីឡាករ កុំឲ្យរងរបួសច្រើនពេក ដូចសព្វមួយដង។ គម្រោងនេះ កំពុងតែស្ថិតក្នុងដំណាក់ចរចារនៅមិនទាន់សម្រេចយ៉ាងណានៅឡើយទេ ។

បើទោះជាយ៉ាងនេះក៏ពិតមែន មានមតិមិនយល់ស្របខ្លះៗចំពោះគម្រោងនេះ ពោលគឺ គេបារម្ភថាការប្តូរបានច្រើន ទៅជា បង្កើនលទ្ធភាពរបួសច្រើនទៅវិញ។

បើយោងតាមរបាយការណ៍ វាអាចនឹងឈានដល់ការសម្រេចមួយ ហើយអាចនឹងអនុវត្តបាន នៅរដូវកាលក្រោយៗ។ ជាពិសេស វាអាចនឹងយកទៅអនុវត្តជាមួយនឹងការប្រកួតជម្រើសជាតិ ផងដែរ។

ជម្រាបជូនថា ច្បាប់នៃការប្រកួតបច្ចុប្បន្ន បើប្រកួតផ្លូវការ ការប្តូរកីឡាករចេញបានច្រើនបំផុតតែ ៣ នាក់ប៉ុណ្ណោះ រីឯការប្រកួតមិត្តភាព ការប្តូរកីឡាករចេញបានតាមចិត្ត(មិនកំណត់ចំនួន)៕

ទទួលបានព័ត៌មានថ្មីៗ លឿនរហ័សទាន់ចិត្ត កុំភ្លេចទាញយក App Kley Kley ឥឡូវនេះ

-Android: play.google.com

-iOS: apps.apple.com/us/app

ប្រភព៖ ESPN FC ប្រែសម្រួល៖ រក្សា