ស្ថាបនិក​ Microsoft លោក ប៊ីល ហ្គេត បាន​ថ្លែង​ថា ក្រោយ​បញ្ចប់​កូវីដ១៩ ស្ថានភាព​ជីវិត​រស់នៅ​របស់​មនុស្ស​នឹងវិល​ទៅរកធម្មតាវិញ ប៉ុន្តែត្រូវការរយៈពេល​មិនតិច​ជាង១ឆ្នាំ ទៅ២ឆ្នាំ​ឡើយ។ លោក​អះអាង​ដូច្នេះ ក្នុង​កិច្ចសម្ភាសន៍​មួយ​ជាមួយ​សារព័ត៌មាន​បារាំង Le Figaro។

មហាសេដ្ឋីអាមេរិករូបនេះ បន្តថា ពិភពលោក​អាចឆ្លងកាត់​ដំណាក់កាល​ដំបូងនៃ​ជំងឺរាតត្បាតនេះ ដោយ​ការ​អភិវឌ្ឍ​ប្រព័ន្ធ​មួយ​ដែល​នឹង​ជួយ​មិនឱ្យ​ជំងឺនេះ វិលមកវិញឡើយ។ រដ្ឋនីមួយៗ នឹង​អាច​កំណត់​យ៉ាងរហ័ស​នូវចំណុចផ្ទុះ​វីរុស​ ហើយ​អាចគ្រប់គ្រង​វាបាន ប៉ុន្តែ​ជីវិត​រស់នៅ​នឹង​ផ្លាស់ប្តូរខ្លាំងដោយ​សារតែ​ការភ័យខ្លាចរបស់​មនុស្ស​ចំពោះ​ជំងឺឆ្លងនេះ។

លោក ប៊ីល ហ្គេត បញ្ជាក់ថា ដើម្បី​វិលទៅរកស្ថានភាព​ជីវិតធម្មតាវិញ គឺ «យើង​ត្រូវការ​ទាំង​វិធីសាស្រ្ត​ព្យាបាល​ដ៏មានប្រសិទ្ធភាព និង វ៉ាក់សាំង»៕

ទទួលបានព័ត៌មានថ្មីៗ លឿនរហ័សទាន់ចិត្ត កុំភ្លេចទាញយក App Kley Kley ឥឡូវនេះ

-Android: play.google.com

-iOS: apps.apple.com/us/app