ឲ្យកាតលឿងមួយមិននិយាយច្រើន បើនរណាភ្លេចខ្លួនធ្វើបែបនេះ

2020-04-28 09:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការស្ដោះទឹកមាត់ ឬការខ្ជាក់ទឹកដែលផឹកហើយចេញមកក្រៅវិញ អាចនឹងត្រូវបានពិន័យកាតលឿងមួយ នៅពេលដែលការប្រកួតបាល់ទាត់ត្រឡប់មកវិញ ក្រោយពីស្ថានភាពវីរុសនៅតាមលីគកំពូលអឺរ៉ុបប្រសើរឡើង។ បើតាមការឲ្យដឹងពីប្រធានផ្នែកសុខាភិបាលប្រចាំនៅ FIFA ដែលចុះផ្សាយដោយកាសែត telgraph នៅថ្ងៃនេះ។

Walkers ព្រោះទឹក ពេលប្រកួតកន្លងមក

ប្រភពព័ត៌មានដដែល បានបន្ថែមថា ការធ្វើបែបនេះ គឺក្នុងគោលបំណងកាត់បន្ថយហានិភ័យនៃការចម្លងវីរុសកូវីដ ១៩ ។

ទម្លាប់នៃការខាកស្ដោះ ឬការក្អក ក្នុងរយៈចម្ងាយជិត (តិចជាង ២ ម៉ែត្រ) ដែលបង្កើតឲ្យមានតំណក់ទឹកខ្ទាតប៉ះអ្នកដទៃ ត្រូវបានអង្គការសុខភាពពិភពលោក (WHO) ចាត់ទុកថាជា ប្រភពចម្លងមួយក្នុងចំណោមប្រភពដទៃ ដែលបណ្ដាលឲ្យឆ្លងវីរុសដ៏កាចសាហាវនេះ។

ការហាមប្រាមនូវទម្លាប់មួយនេះ នៅមិនទាន់មានការប្រកាសជាផ្លូវការណាមួយនៅឡើយទេ។ ដូចនេះ ការសម្រេចយ៉ាងណានោះ មានតែរង់ចាំមើលបន្តិចសិន តើទម្លាប់នេះ ពិតជាបានប្រកាសផ្លូវការដោយស្ថាប័ន FIFA ដែរទេ?