ក្រសួងការងារ ស្នើឱ្យពលករដែលទើបមកពីបរទេស ជួយក្រុមគ្រួសារធ្វើស្រែចំការ ដាំដុះ
- 2020-04-29 05:57:32
- ចំនួនមតិ 0 | ចំនួនចែករំលែក 0
ក្រសួងការងារ ស្នើឱ្យពលករដែលទើបមកពីបរទេស ជួយក្រុមគ្រួសារធ្វើស្រែចំការ ដាំដុះ
ចន្លោះមិនឃើញ
ក្រសួងការងារ និងបណ្តុះបណ្តាលវិជ្ជាជីវៈ បានអំពាវនាវឱ្យពលករខ្មែរដែលបានវិលត្រឡប់មកកម្ពុជា ចូលរួមជួយក្រុមគ្រួសារដើម្បីធ្វើស្រែចំការ ដាំដុះ និងរបរកសិកម្មផ្សេងទៀត ក្នុងអំឡុងពេលរង់ចាំស្វែងរកការងារថ្មីធ្វើនៅក្នុងស្រុក ឬចង់វិលត្រឡប់ទៅក្រៅប្រទេសវិញ។ នេះបើតាមសេចក្តីណែនាំរបស់ក្រសួងការងារ នៅថ្ងៃទី២៩ ខែមេសា ឆ្នាំ២០២០។
ក្រសួងបញ្ជាក់ថា ពេលពលករខ្មែរត្រឡប់មកវិញ ត្រូវអនុវត្តតាមការណែនាំរបស់អាជ្ញាធរនៅតាមច្រកទ្វារព្រំដែន ដើម្បីអនុវត្តវិធានការត្រួតពិនិត្យសុខភាព និងចត្តាឡីស័ក ១៤ថ្ងៃ នៅពេលទៅដល់ស្រុកកំណើតវិញ ស្របតាមនីតិវិធីដែលកំណត់ដោយក្រសួងសុខាភិបាល និងក្រុមការងាររាជធានី-ខេត្ត នៃក្រសួងមហាផ្ទៃ។
ក្រសួងការងារបន្តថា ក្នុងករណីបងប្អូនពលករ មានបញ្ហាជីវភាពរស់នៅប្រចាំថ្ងៃក្នុងអំឡុងពេលការរាតត្បាតជំងឺកូវីដ១៩ ត្រូវទំនាក់ទំនងជាមួយអាជ្ញាធរមូលដ្ឋានរបស់ខ្លួន ដើម្បីទទួលបានសេវាអន្តរាគមន៍។ ករណីមានបំណងស្វែងរកការងារថ្មីធ្វើ ត្រូវទាក់ទងទៅមន្ទីរការងារថ្មីធ្វើនៅក្នុងស្រុក ឬចង់វិលត្រឡប់ទៅក្រៅប្រទេសវិញ៕
ទទួលបានព័ត៌មានថ្មីៗ លឿនរហ័សទាន់ចិត្ត កុំភ្លេចទាញយក App Kley Kley ឥឡូវនេះ
-Android: play.google.com
-iOS: apps.apple.com/us/app