រកឃើញអ្នកផ្ទុកវីរុសកើនឡើងនៅ Bundesliga ក្រោយពេលតេស្តកីឡាករទាំង ៣៦ ក្លឹប

2020-05-05 02:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយពេលឆ្លងកាត់ការធ្វើតេស្តកីឡាករទាំង ៣៦ ក្លឹប(លីគ១និងលីគ២) ក្នុងចំនួន ១៧២៤ នាក់មុននឹងចូលមកហ្វឹកហាត់ ក្នុងនោះគេបានរកឃើញចំនួនអ្នកផ្ទុកវីរុសកូវីដ១៩ កើនឡើងដល់ ១០ នាក់កាលពីថ្ងៃចន្ទម្សិលមិញ។ នេះបើយោងតាមការបញ្ជាក់ពី Bundesliga ។

ខ្សែបម្រើមកពីក្លឹប Koln តេស្តឃើញវិជ្ជមាន /រូបថត៖GettyImage

កាលពីថ្ងៃសុក្រនិងសៅរ៍ នៅសប្តាហ៍មុននេះ គេរកឃើញកីឡាករតេស្តវិជ្ជមានគឺ ៦ រូបមកពីក្លឹប ២ ផ្សេងគ្នាគឺ ក្លឹប FC Koln និងក្លឹប Cologne ។ ដូចនេះមានន័យថាកើនថែម ៤ នាក់ទៀត។

បើទោះជាបែបនេះតែ ក្របខ័ណ្ឌកំពូលអាល្លឺម៉ង់ Bundesliga មិនបង្អាក់ដំណើរត្រឹមនេះទេ គ្រោងនឹងចាប់ផ្តើមការប្រកួតនៅប៉ុន្មានសប្ដាហ៍បន្ទាប់ ដើម្បីបញ្ចប់រដូវកាលដែលនៅសល់តែ ៩ ប្រកួតទៀតប៉ុណ្ណោះ ប៉ុន្តែមិនអនុញ្ញាតឲ្យអ្នកគាំទ្រចូលក្នុងកីឡដ្ឋានឡើយ អាចមើលតាមទូរទស្សន៍បាន។

វិធានការនៅ Bundesliga គឺធ្វើតាមគោលការណ៍គឺត្រូវធ្វើតេស្ដកីឡាករជាប់រហូត ហើយសម្រាប់ការប្រកួតដែលនៅសល់ នឹងត្រូវអនុញ្ញាតឲ្យមនុស្សចូលក្នុងកីឡដ្ឋានត្រឹមតែ ២៤០ នាក់ប៉ុណ្ណោះមានដូចជា កីឡាករ គ្រូ មន្ត្រីអាជ្ញាកណ្ដាល បុគ្គលិកពេទ្យ និងក្រុមការងារថត ហើយក៏ត្រូវ អនុវត្តវិធានការការពារ ឬតាមដានសុខភាពកីឡាករនិងបុគ្គលិកក្លឹបនិមួយៗផងដែរ៕

ប្រភព៖ Yahoo ប្រែសម្រួល៖ រក្សា