មូលហេតុ សម្រេចព្យួរការងារមន្ត្រីសហព័ន្ធ មិនឲ្យពាក់ព័ន្ធបាល់ទាត់អស់មួយជីវិត

2020-05-06 10:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សហព័ន្ធកីឡាបាល់ទាត់កម្ពុជា បានចាត់វិធានការចំពោះអតីត និងមន្រ្តីរបស់សហព័ន្ធ រួមមានលោក ម៉ៃ តុលា, លោក ទុយ វិច្ឆិកា, លោក ឆាំង ពិសិដ្ឋ និងលោក គល់ សុភារម្យ ដោយព្យួរគ្រប់សកម្មភាពកីឡាបាល់ទាត់អស់មួយជីវិត។

លោក កែវ សារ៉េត ជាអគ្គលេខាធិការ FFC

មូលហេតុដែលនាំដល់ការសម្រេចបែបនេះ គឺពីបទរំលោភសេចក្តីទុកចិត្ត។ អំឡុងការសហការរវាង មន្រ្តីសហព័ន្ធ និងក្រុមហ៊ុនស្រាបៀរ Tiger រៀបចំការប្រកួតរបស់ Tiger Street football តាំងពីឆ្នាំ ២០១៣ មកដល់ឆ្នាំ ២០១៩ រកឃើញថា មន្រ្តីសហព័ន្ធ ទាំង៤រូបនោះមានការកឹបកេងប្រាក់ជាង ៣០% ដោយគ្មានមូលហេតុមិនបានចូលមក សហព័ន្ធសោះ។

ក្រោយការបង្កើតគណកម្មការវិន័យ សហព័ន្ធ បានរកឃើញបន្ថែមថា ត្រឹមអំឡុងឆ្នាំ ២០១៥ ដល់ ២០១៩ មានការកិបកេងប្រាក់ជាង ៥៩៧៣៦ ដុល្លារដុល្លារឯណោះ។ អំពើនេះហើយ ទើបបានជាសហព័ន្ធបាល់ទាត់កម្ពុជា បានប្រជុំគ្នាជាច្រើនលើក រហូតដល់ឈានដល់ការពិន័យព្យួរសកម្មភាពបាល់ទាត់ពួកគេទាំង ៤នាក់រហូតមួយជីវិតតែម្ដង។ ខណៈដែលសាមីខ្លួនទាំង៤ ក៏បានសារភាពចំពោះកំហុសនេះដែរ។

សហព័ន្ធបញ្ជាក់ថា ការចាត់វិធានការនេះ បន្ទាប់ពីមន្តី្រខាងលើបានប្រព្រឹត្តកំហុសយ៉ាងធ្ងន់ធ្ងរ ផ្ទុយនឹងក្រមសីលធម៌ និងវិន័យរបស់សហព័ន្ធ។ ក្នុងនោះ លោក ម៉ៃ តុលា ត្រូវបញ្ជូនសំណុំរឿងប្រព្រឹត្តអំពើពុករលួយទៅតុលាការ៕