ចារកម្មកូរ៉េខាងត្បូង ទម្លាយពីការបាត់មុខរបស់លោក គីម ជុងអ៊ុន កាលពីខែមុន

2020-05-07 01:59:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ចារកម្មកូរ៉េខាងត្បូង បានអះអាងថា មេដឹកនាំកូរ៉េខាងជើង លោក គីម ជុងអ៊ុន ដែលបានបាត់ខ្លួនរយៈពេលជាច្រើនថ្ងៃកាលពីខែមេសា គឺដោយសារបារម្ភអំពីជំងឺរាតត្បាតកូវីដ១៩ ហើយពុំមានអ្វីដែលពាក់ព័ន្ធការវះកាត់បេះដូងឡើយ។

របាយការណ៍ខាងលើនេះ ត្រូវបានលាតត្រដាងដោយលោក Kim Byung-kee សមាជិកគណៈកម្មាធិការចារកម្មរបស់សភាកូរ៉េខាងត្បូង កាលពីថ្ងៃទី៦ ខែឧសភា ឆ្នាំ២០២០។ លោកថា លោក គីម ជុងអ៊ុន បានបំពេញការងារជាធម្មតា ក្នុងអំឡុងពេលបាត់មុខពីសាធារណៈ តែគ្មានពាក់ព័ន្ធអ្វីបន្តិចសោះជាមួយនឹងបញ្ហាសុខភាពបេះដូងរបស់លោក។

លោក Kim Byung-kee បានឱ្យដឹងថា ក្នុងឆ្នាំ២០២០នេះ មេដឹកនាំកូរ៉េខាងជើង ទើបតែបង្ហាញខ្លួន ១៧លើកប៉ុណ្ណោះ គឺតិចជាងបើធៀបនឹងរយៈពេលដូចគ្នាកាលពីឆ្នាំមុន។ នេះក៏ដោយសារតែលោកបារម្ភអំពីជំងឺរាតត្បាតកូវីដ១៩ ដែលកំពុងផ្ទុះរីករាលដាលខ្លាំង។

លោកបញ្ជាក់ដូច្នេះថា៖ «គីម ជុងអ៊ុន បានផ្តោតលើការពង្រឹងកិច្ចការផ្ទៃក្នុង ដូចជាកម្លាំងយោធា និងកិច្ចប្រជុំបក្ស-រដ្ឋ ហើយការបារម្ភពីវីរុសកូរ៉ូណា បានកំណត់បន្ថែមទៀតនូវការបង្ហាញខ្លួនជាសាធារណៈរបស់លោក»៕

ប្រភព៖ Foxnews ប្រែសម្រួល៖ សំភី