លោកត្រាំ ប្រាប់លោកពូទីន ឱ្យបញ្ចៀសការត់ប្រណាំងសព្វាវុធ
- 2020-05-08 02:02:11
- ចំនួនមតិ 0 | ចំនួនចែករំលែក 0
លោកត្រាំ ប្រាប់លោកពូទីន ឱ្យបញ្ចៀសការត់ប្រណាំងសព្វាវុធ
ចន្លោះមិនឃើញ
ប្រធានាធិបតីអាមេរិក លោក ដូណាល់ ត្រាំ បានប្រាប់ប្រធានាធិបតីរុស្ស៊ី លោក វ្លាឌីមៀ ពូទីន តាមរយៈកិច្ចសន្ទនាតាមទូរសព្ទកាលពីថ្ងៃទី៧ ខែឧសភា ឆ្នាំ២០២០ថា ប្រទេសទាំងពីរ ត្រូវតែបញ្ចៀសនូវការរត់ប្រណាំងសព្វាវុធដែលនឹងខាតបង់ច្រើន។ នេះបើតាមសេចក្តីថ្លែងការណ៍របស់សេតវិមាន។
ក្នុងសេចក្តីថ្លែងការណ៍នោះឱ្យដឹងថា៖ «ប្រធានាធិបតីត្រាំ បានបញ្ជាក់ថែមទៀតថា អាមេរិកបានប្តេជ្ញាចិត្តគ្រប់គ្រងអាវុធដោយមានប្រសិទ្ធភាព ដែលមិនត្រឹមតែជាមួយរុស្ស៊ីនោះទេ ប៉ុន្តែជាមួយប្រទេសចិនផងដែរ ហើយអាមេរិក នឹងរកកិច្ចពិភាក្សាបន្ថែមទៀត»។
សេតវិមានបន្តថា ក្នុងអំឡុងវិបត្តិកូវីដ១៩នេះ លោកត្រាំអះអាងថា អាមេរិក កំពុងប្រឹងប្រែងធ្វើការយ៉ាងខ្លាំងដើម្បីឱ្យប្រជាជនអាមេរិកស្នាក់នៅក្នុងផ្ទះ ហើយក៏ផ្តល់នូវជំនួយដល់ប្រទេសដែលត្រូវការចំាបាច់ រួមមានទាំងរុស្ស៊ីផងដែរ៕