ធ្លាប់ចូលទីលានរហូត តែម្ដងនេះ Bundesliga ហាមដាច់ខាត ពពែ តំណាងក្លឹប Koln
- 2020-05-13 02:40:00
- ចំនួនមតិ 0 | ចំនួនចែករំលែក 0
ធ្លាប់ចូលទីលានរហូត តែម្ដងនេះ Bundesliga ហាមដាច់ខាត ពពែ តំណាងក្លឹប Koln
ចន្លោះមិនឃើញ
សត្វពពែ ដែលជា (mascot) តំណាងក្លឹប Koln មិនត្រូវបាន Bundesliga អនុញ្ញាតឲ្យចូលមកទីលានជាដាច់ខាត ខណៈដែល (mascot) របស់ក្លឹបមួយនេះ ជាសត្វពាហនៈមែនទែន មិនមែនជារូបតុក្តាដូចក្លឹបដទៃនោះទេ។ ការបង្ខាំងនេះក្រោមហេតុផលថា ដើម្បីទប់ស្កាត់ការចម្លងវីរុសកូវីដ ១៩ ។
ក្របខ័ណ្ឌលីគកំពូល Bundesliga នឹងចាប់ផ្តើមប្រកួតឡើងវិញ នៅថ្ងៃទី ១៦ ខែឧសភា ២០២០ ខណៈដែលក្លឹប Koln (ឈរលេខ១០ក្នុងតារាង) ត្រូវស្វាគមន៍ក្រុម Mainz 05 (ឈរលេខ ១៥ ក្នុងតារាង) នៅថ្ងៃអាទិត្យទី ១៧ ដោយបិទទ្វារមិនឲ្យមានអ្នកគាំទ្រចូលទីលាននោះទេ។
យោងតាមប្រភពពី straitstimes បានឲ្យដឹងថា វិធានការនៅអាល្លឺម៉ង់ គឺសម្រាប់ការប្រកួតដែលនៅសល់ នឹងត្រូវអនុញ្ញាតឲ្យមនុស្សចូលក្នុងកីឡដ្ឋានត្រឹមតែ ៣០០០ នាក់ប៉ុណ្ណោះ។
ក្នុងនោះរួមមាន កីឡាករ គ្រូ មន្ត្រីអាជ្ញាកណ្ដាល បុគ្គលិកពេទ្យ និងក្រុមការងារថត ហើយក៏ត្រូវអនុវត្តវិធានការការពារ ឬតាមដានសុខភាពកីឡាករនិងបុគ្គលិកក្លឹបនិមួយៗផងដែរ៕
ទស្សនាវីដេអូពេល ពពែ ឈ្មោះ Hennes រត់ពេញទីលាន៖