មិនទាន់​បញ្ជូន​មនុស្ស​ទៅភព​ព្រះចន្ទផង ប្រធានផ្នែក១រូប​របស់​ NASA លាលែងពី​តំណែង​ហើយ

  • 2020-05-20 02:42:44
  • ចំនួនមតិ 0 | ចំនួនចែករំលែក 11

ចន្លោះមិនឃើញ


លោក Doug Loverro ប្រធាន​ផ្នែក​រុករក និងប្រតិបត្តិការដោយមនុស្សនៅទី​អវកាស​របស់​អង្គការ NASA បាន​លាលែង​ចេញពី​តំណែង​ហើយ។ នេះបើ​យោងតាម​លិខិត​ប្រកាស​ផ្ទៃក្នុង​របស់​អង្គការ NASA កាលពីថ្ងៃទី១៩ ខែឧសភា ឆ្នាំ​២០២០។

ការ​លាលែងនេះ ធ្វើឡើងមុន១សប្តាហ៍ប៉ុណ្ណោះ មុនពេលដែល NASA គ្រោងបញ្ជូនអ្នកអវកាស​ ២នាក់ ទៅកាន់ទីអវកាស​ចេញពី​ទឹកដីអាមេរិក​ជាលើកដំបូង ចាប់តាំងពីឆ្នាំ​២០១១មក។ ការសុំលាឈប់នេះ ក៏ធ្វើឡើង​មុនពេលដែល NASA គ្រោងបញ្ជូនមនុស្សសារជាថ្មីទៅកាន់ព្រះចន្ទ នៅឆ្នាំ២០២៤ និងបន្តទៅភពអង្គារផងដែរ។

តាមរយៈអ៊ីម៉ែលដែលលោក Doug Loverro ផ្ញើទៅកាន់មិត្តរួមការងាររបស់លោក ឱ្យដឹងថា ការចាកចេញរបស់លោក ដោយ​សារតែសកម្មភាព​ផ្ទាល់​ខ្លួន។ «វាបង្ហាញ​យ៉ាងច្បាស់ថា ខ្ញុំបានបង្កើត​កំហុស​មួយ​នៅក្នុងការជ្រើសរើសនោះ ដែលខ្ញុំ​តែឯង​ត្រូវតែ​ទទួលខុសត្រូវ​លើ​លទ្ធផលនេះ»។ ការ​លើកឡើងនេះ ត្រូវបានគេប៉ាន់ស្មានថា អាចជាប់ពាក់ព័ន្ធនឹង​គម្រោង​បញ្ជូនមនុស្ស​ទៅកាន់ភពព្រះចន្ទនៅឆ្នាំ២០២៤៕

ប្រភព៖ Reuters ប្រែ​សម្រួល៖ សំភី

;