នាយករដ្ឋមន្រ្តី លី ខឺឈាង៖ ចិន នឹងកែទម្រង់ស៊ីជម្រៅលើយោធាបន្ថែមទៀត

2020-05-22 03:27:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក លី ខឺឈាង នាយករដ្ឋមន្រ្តីចិន បានថ្លែងថា ចិននឹងធ្វើការកែទម្រង់កាន់តែស៊ីជម្រៅថែមទៀត ក្នុងវិស័យការពារជាតិ និងយោធា ក្នុងនោះគឺនឹងជំរុញការអភិវឌ្ឍវិទ្យាសាស្រ្ត និងបច្ចេកវិទ្យាដែលពាក់ព័ន្ធនឹងយោធា។ លោកថ្លែងដូច្នេះ ក្នុងពិធីបើកកិច្ចប្រជុំសភាប្រចាំឆ្នាំនាព្រឹកថ្ងៃទី២២ ខែឧសភា ឆ្នាំ២០២០។

លោក លី ខឺឈាង ថ្លែងក្នុងកិច្ចប្រជុំសភានាពេលកន្លងមក

លោកបានសង្កត់ធ្ងន់ថែមទៀតថា កិច្ចប្រឹងប្រែងក៏នឹងជួយធ្វើឱ្យប្រសើរឡើងនូវប្រព័ន្ធចល័តការពារជាតិ និងធានាបានថា ការឯកភាពរវាងយោធា និងរដ្ឋាភិបាល និងរវាងយោធា និងប្រជាជន នៅតែរឹងមាំ។

«យើងនឹងបន្តបង្កើនភាពស្មោះត្រង់នយោបាយរបស់កងទ័ព ពង្រឹងពួកគេតាមរយៈការធ្វើកំណែទម្រង់ វិទ្យាសាស្រ្ត និងបច្ចេកវិទ្យា និងបណ្តុះបណ្តាលសមត្ថភាព ព្រមទាំងការគ្រប់គ្រងយោធាស្របតាមច្បាប់»។ នេះជាការលើកឡើងរបស់លោក លី ខឺឈាង។

សូមជម្រាបដែរថា របាយការណ៍ដែលបានបង្ហាញក្នុងពិធីបើកកិច្ចប្រជុំសភានេះ ឱ្យដឹងថា ការចំណាយយោធារបស់ចិននៅឆ្នាំនេះ នឹងកើនឡើង ៦,៦ភាគរយ ប៉ុន្តែទាបជាងឆ្នាំ២០១៩ ដែលថវិកាយោធាកើនឡើង ៧,៥%៕

ប្រភព៖ CGTN