បែកធ្លាយថា លោកត្រាំ ត្រូវគេជម្លៀសខ្លួនទៅបន្ទប់ក្រោមដី ក្នុងពេលមានបាតុកម្មនៅខាងក្រៅសេតវិមាន

2020-06-01 08:47:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្រ្តីសេតវិមានមួយរូបដែលមិនបញ្ចេញឈ្មោះបានទម្លាយឱ្យដឹងនៅថ្ងៃទី១ ខែមិថុនា ឆ្នាំ២០២០នេះថា ក្នុងខណៈដែលក្រុមអ្នកតវ៉ា ប្រមូលផ្តុំធ្វើបាតុកម្មជុំវិញការស្លាប់របស់ George Floyd នៅខាងក្រៅសេតវិមាន ក្នុងក្រុងវ៉ាស៊ីងតោនកាលពីយប់ថ្ងៃទី២៩ ខែឧសភានោះ ប្រធានាធិបតីអាមេរិក លោក ដូណាល់ ត្រាំ ត្រូវបានគេជម្លៀសចូលទៅបន្ទប់សុវត្ថិភាពក្រោមដី ប្រហែល ១ម៉ោងមុនឡើងមកវិញ។

បើតាមប្រភពដែលប្រាប់ CNN ឱ្យដឹងបន្ថែមថា ភរិយា និងកូនប្រុសរបស់លោក ដូណាល់ ត្រាំ ក៏ត្រូវបានជម្លៀសទៅក្រោមដីផងដែរ។ «ប្រសិនបើស្ថានការណ៍នៅសេតវិមាន ឡើងដល់កម្រិតពណ៌ក្រហម ហើយប្រធានាធិបតីត្រូវបានជម្លៀសទៅកាន់មជ្ឈមណ្ឌលប្រតិបត្តិការអាសន្ន នោះលោកស្រី Melania Trump និងលោក Barron Trump រួមទាំងសមាជិកគ្រួសារលោកផ្សេងទៀត ក៏នឹងត្រូវជម្លៀសទៅជាមួយគ្នាផងដែរ»។

បាតុកម្មក្រោយការស្លាប់របស់ George Floyd គឺជាហេតុការណ៍មួយ ដែលធ្វើឱ្យសេតវិមានត្រូវប្រកាសអាសន្នក្នុងកម្រិតខ្ពស់បំផុត ចាប់តាំងពីការវាយប្រហារថ្ងៃ ១១កញ្ញា ២០០១មក ពោលគឺ សេតវិមានត្រូវបានពង្រឹង និងរឹតបន្តឹងសន្តិសុខខ្លាំងជាងមុន៕

ប្រភព៖ CNN