ភ្នែករបស់អ្នកនឹងមិនឆាប់មីញ៉ូប ប្រសិនបើអ្នកនៅតែបន្តទម្លាប់អស់ទំាងនេះ

2020-06-03 05:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ភ្នែកមានតួនាទីដ៏សំខាន់សម្រាប់ជីវិតប្រចំាថ្ងៃរបស់មនុស្សម្នាក់ៗ។ មិនថាប្រុសស្រី ក្មេងចាស់នោះទេ ការថែរក្សាភ្នែកពិតជាមានសារៈសំខាន់ជាខ្លំាង។ មិនត្រឹមតែប៉ុណ្ណោះ ប្រសិនបើអ្នកមានកែវភ្នែកស្រស់សស្អាតអ្នកនឹងមានការចាប់អារម្មណ៍ពីមនុស្សជុំវិញខ្លួន។ តែប្រសិនបើអ្នកមិនដែលថែរក្សាកែវភ្នែកឲ្យស្រស់ស្អាតនិងមានសុខភាពល្អនោះ ភ្នែកទំាងគូររបស់អ្នកអាចនឹងមានបញ្ហាផ្សេង។ ដូច្នោះហើយ ខាងក្រោមនេះជាទម្លាប់ទំាង ៤ ដែលអ្នកគួរតែដឹងដើម្បីថែទំាភ្នែករួមមាន៖

១. មានទម្លាប់មិនល្អចំពោះភ្នែក

ការបន្តប្រើប្រាស់ភ្នែកក្នុងរយៈពេលយូរនឹងជិតទៅនឹងរបស់អ្វីមួយ គ្មានពេលសម្រាកគ្រប់គ្រាន់ ភ្នែកបន្តតឹងតែង និងមិនមានពេលសម្រាកគ្រប់គ្រាន់នោះគឺវាមិនត្រឹមតែបង្កើននៃការមើលឃើញមិនច្បាស់ប៉ុណ្ណោះទេ តែថែមទំាងបំផ្លាញភ្នែកអ្នកទៀត។ អ្នកត្រូវតែចំាថា ក្រោយពេលប្រើប្រាស់គ្រឿងអេឡិចត្រូនិចរួចហើយ អ្នកត្រូវតែសម្រាកឲ្យបាន ៣០ នាទី។

២. ប៉ះពាល់ជាមួយកំារស្មីយូវីញឹកញាប់ពេក

អ្នកត្រូវតែចងចំាថា រាល់ពេលមានសកម្មភាពនៅខាងក្រៅផ្ទះអ្នកត្រូវតែពាក់វ៉ែនតាការពារកម្តៅថ្ងៃដើម្បីការពារពីកាំរស្មីអ៊ុលត្រាវីយូលែតងាយធ្វើឲ្យភ្នែកអ្នកឈឺចាប់។ មួយវិញទៀតនោះអ្នកមិនត្រូវសម្លឹងមើលព្រះអាទិត្យចំៗនោះទេ ព្រោះវាអាចបង្កើតទៅជាជំងឺភ្នែកឡើងបាយ។

រូបតំណាង

**៣. ពុំសូវពិនិត្យភ្នែកទៀងទាត់**

ការពិនិត្យសុខភាពភ្នែកក៏មានសារសំខាន់ណាស់ដែរដើម្បីដឹងថាភ្នែករបស់អ្នកមានសភាពយ៉ាងណានោះ។ អ្នកគប្បីទៅកន្លែងពិនិត្យភ្នែកជាប្រចំា ពិសេសប្រសិនបើអ្នកមានអារម្មណ៍ថាភ្នែករបស់អ្នកមានបញ្ហាឬមានលក្ខណៈខុសប្រក្រតីជាដើម។ ការធ្វើបែបនេះនឹងរក្សាភ្នែកអ្នកឲ្យបានល្អ។

៤. ពន្លឺពីគ្រឿងអេឡិចត្រូនិច

ជារៀងរាល់ថ្ងៃ អ្នកតែងប្រើប្រាស់កុំព្យូទ័រ និងទូរសព្ទសម្រាប់ធ្វើការទំនាក់ទំនងនិងការសិក្សាជាដើម។ អ្នកត្រូវចំាបាច់គិតថាពន្លឺដែលជះពីគ្រឿងអស់ទំាងនោះអាចបង្កមកលើភ្នែករបស់អ្នក មានន័យថាអ្នកត្រូវលៃយ៉ាងណាឲ្យពន្លឺភ្លើងក្នុងបន្ទប់ស្មើនឹងពន្លឺគ្រឿងអេឡិចត្រូនិចដែលអ្នកប្រើប្រាស់។ ភ្លើងភ្លឺពេកនឹងរំខានដល់ភ្នែក រីឯភ្លើងតិចពេកនឹងធ្វើឲ្យភ្នែកឆាប់អស់កម្លាំង។ ដូច្នោះហើយ អ្នកត្រូវចេះលៃឲ្យភ្លើង ឬពន្លឺមានសភាពស្មើគ្នា៕