គណៈកម្មការរៀបចំការប្រកួតបាល់ទាត់ជាតិ CNCC ប្រកាស​ថានឹងបើកដំណើរការឡើងវិញ ដោយ​បញ្ជាក់​កាលបរិច្ឆេទ​ច្បាស់ៗ​ ក្នុង​នោះ​ក៏​មាន​បម្រែបម្រួល​នូវ​លក្ខខណ្ឌ​មួយ​ចំនួន​ផង​ដែរ​ដូច​ជា៖

យោងតាមសេចក្តីប្រកាសព័ត៌មាន របស់គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ១៩ អនុញ្ញាតិឱ្យមានការប្រកួតបាល់ទាត់ឡើងវិញ តែមិនអនុញ្ញាតឱ្យមានទស្សនិកជន ចូលក្នុងទីលានបាល់ទាត់ឡើយ។

ពាក់ព័ន្ធទៅនឹងទីផ្សារដោះដូរកីឡាករគឺអាចប្ដូរ៥នាក់ដែលមាន កម្ពុជា៣នាក់ និងបរទេស២នាក់ ដំណើរការពីថ្ងៃទី០៨ ខែសីហា ដល់ថ្ងៃទី០៧ ខែកញ្ញា។ ចំណែក​ឯ​ការ​ប្ដូរកីឡាករក្នុងការប្រកួតក៏បានបង្កើនដែរ គឺពី៣នាក់ដល់៥នាក់ តែធ្វើឡើងបានតែ៣លើកប៉ុណ្ណោះក្នុងមួយប្រកួត។

​បន្ថែម​លើ​នេះ​ទៀត​ អ្វីដែលត្រូវបានព្រមព្រៀងកែប្រែនោះ គឺចាប់ពីជើងទីពីរនេះ ក្រុមកំពូលទាំង៦ត្រូវប្រជែងគ្នាយកចំណាត់ថ្នាក់លេខមួយ, លេខពីរ និងលេខបី។ ចំណែកក្លិបនៅលំដាប់ទី៧ដល់ទី១៣ប្រកួតគ្នាជាធម្មតា។

សម្រាប់ការគិតពិន្ទុវិញ គឺបូកបន្តគ្នាដោយគិតលើពិន្ទុសរុបជើងទីមួយ និងផលសងគ្រាប់បាល់។ ចំណែកជើងទីពីរ គឺតាមប្រព័ន្ធ Head-Head ៕

នេះ​ជា​ចំណាត់​ថ្នាក់​ ត្រឹមសប្ដាហ៍ទី៥