ដៃស្ដាំ Pep ទើបនឹងរកបានថ្មីថ្មោង មានប្រវត្តិធ្លាប់បង្វឹកសុទ្ធតែកីឡាករលំដាប់ៗ

2020-06-10 04:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Juanma Lillo ទើបនឹងត្រូវបានក្លឹប Manchester City ប្រកាសផ្លូវការថា រូបលោកបានក្លាយ គ្រូជំនួយការប្រចាំដែលនឹងធ្វើការស្និទ្ធជាមួយគ្រូបង្វឹកឆ្នើមលោក Pep Guardiola ។

ក្រោយការចាកចេញរបស់លោក Mikel Arteta បានទៅដឹកនាំក្លឹប Arsenal នៅទីក្រុងឡុងដ៏កាលពីខែឆ្នូឆ្នាំ ២០១៩ កន្លងទៅ។ តំណែងទំនេរមួយនេះទើបនឹងត្រូវបានជំនួសដោយ Lillo នេះឯង។

លោក Juanma Lillo

ប្រវត្តិរូបសង្ខេប៖ លោក Juanma Lillo កើតនៅថ្ងៃទី ៣ ខែវិច្ឆិកាឆ្នាំ ១៩៦៥ នៅក្នុងតំបន់ Tolosa ប្រទេសអេស្ប៉ាញ។ លោកធ្លាប់មានបទពិសោធន៍ធ្វើការផ្នែកនេះ(ជំនួយការ) នៅ ៣ ទ្វីបផ្សេងៗគ្នា។

អតីតអ្នកចាត់ការក្លឹប Qingdao រូបនេះ ធ្លាប់បានជួយឲ្យ ក្លឹបឡើងពី លីគ២ មកលេងនៅក្នុងក្របខ័ណ្ឌលីគកំពូលចិន Chinese Super League។

លោកធ្លាប់ ជាប់ឈ្មោះជា គ្រូបង្វឹកវ័យក្មេងបំផុតនៅក្នុងប្រវត្តិសាស្រ្ត La Liga បុរសវ័យ ៥៤ ឆ្នាំរូបនេះជាអ្នកបង្វឹកដោយផ្ទាល់កីឡាករឈុតជម្រើសជាតិអេស្ប៉ាញមានដូចជា Andres Iniesta, David Villa និង Yaya Toure ជាដើម សុទ្ធតែជាកីឡាករមានទេពកោសល្យលំដាប់ពិភពលោក៕

ប្រភព៖ Manchestereveningnews ប្រែសម្រួល៖ រក្សា