គួរ​ញ៉ាំ​អី​មុន​ហាត់ប្រាណ ឬ​ក៏​ហាត់​ប្រាណរួច​​បាន​ញ៉ាំ​អី​តាម​ក្រោយ?

  • 2020-06-10 06:09:12
  • ចំនួនមតិ 0 | ចំនួនចែករំលែក 0

ចន្លោះមិនឃើញ


តើ​អ្នក​ធ្លាប់​គិត​ទេ​ថា មួយ​ណា​ល្អ​ជាង​រវាង​ការ​ទទួល​ទាន​អាហារ​មុន​ពេល​ហាត់​ប្រាណ ឬ​ក៏​ក្រោយ​ពេល​ហាត់​ប្រាណ? បើ​តាម​​អ្នក​ជំនាញ ចម្លើយ​គឺ​​វា​​ជា​រឿង​ល្អ​ទាំង​២ ប្រសិន​​ការ​ទទួល​ទាន​នោះ​ស្ថិត​នៅ​​ក្នុង​លក្ខខណ្ឌ​ត្រឹម​ត្រូវ។

មូលហេតុ​អ្វី​គួរ​ញ៉ាំ​អាហារ​មុន​ទៅ​ហាត់​ប្រាណ?

អ្នក​ជំនាញ​បាន​ណែនាំ​ថា អ្នក​គប្បី​ទទួល​ទាន​​ម្ហូប ឬ​អាហារ​សម្រន់ មុន​ធ្វើ​លំហាត់​ប្រាណ​រយៈពេល ៣​ម៉ោង។ អាហារ​ទាំង​នោះ​គួរ​តែ​សម្បូរ​ទៅ​ដោយ​ប្រូតេអ៊ីន និង​កាបូអ៊ីដ្រាត តែ​គួរ​មាន​ជាតិ​ខ្លាញ់​តិច។ កាបូអ៊ីដ្រាត ​​​​​​​​​​​​​​ជួយ​រាងកាយ​របស់​អ្នក​ដើម្បី​បំពេញ​តម្រូវការ​គ្លីកូហ្សែន នៅ​អំឡុង​ពេល​ហាត់​ប្រាណ ហើយ​ប្រូតេអ៊ីន នឹង​ជួយ​ជំរុញ​​​ចលនា​ស្តារ​ឡើង​វិញ​នៃ​សាច់ដុំ។ អាហារ​ទាំង​នោះ​មាន​ដូចជា ចេក ទឹក​ដោះ​គោ​ជូរ ស៊ុត និង​ទឹក​ផ្លែ​ឈើ​ក្រឡុក ជា​ដើម។

បើ​តាម​ការ​សិក្សា​មួយ​​នៃ​សកលវិទ្យាល័យ Limerick របស់​អៀរឡង់ បាន​ឲ្យ​ដឹង​ថា អ្នក​ដែល​ហាត់​ប្រាណ​យូរ​ជាង​១​ម៉ោង ហើយ​បាន​ទទួល​ទាន​អាហារ​ទ្រាប់​ពោះ​មុន​នោះ នឹង​ទទួល​បាន​លទ្ធផល​ល្អ​​គាប់​ប្រសើរ បើ​ទោះជា​មិន​សូវ​បែក​ញើស​ច្រើន​ក៏​ដោយ។

ចុះ​ការ​បរិភោគ​ក្រោយ​ពេល​ហាត់​ប្រាណ?

ក្រោយ​លំហាត់​ប្រាណ​ រាងកាយ​ច្បាស់​ណាស់​នឹង​ត្រូវ​ការ​របប​អាហារ​ដើម្បី​បំពេញ​កម្លាំងកំហែង ក៏​ដូចជា​ជួសជុល និង​បណ្ដុះ​កោសិកា​សាច់ដុំ​ថ្មី។ ការ​បរិភោគ​នេះ​គួរ​ធ្វើ​ឡើង​កំឡុង​រយៈពេល​១៥​នាទី​បន្ទាប់​ពី​ការ​ហាត់​ប្រាណ​រួច។ មិនខុស​ពី​ការ​ទទួល​ទាន​អាហារ​មុន​ពេល​ហាត់​ប្រាណ របប​អាហារ​ទាំង​នោះ​គួរ​តែ​សម្បូរ​ទៅ​ដោយ​ប្រូតេអ៊ីន និង​កាបូអ៊ីដ្រាត​ដូច​គ្នា​អ៊ីចឹង​ដែរ៕

ប្រភព៖ purewow ប្រែ​សម្រួល៖ ឈាង.

អត្ថបទថ្មី
;