ចិន លាតត្រដាងពីប្រភពនៃការបំពុលនៅក្នុងប្រទេស

2020-06-11 02:08:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយការស្រាវជ្រាវរកប្រភពនៃការបំពុលក្នុងប្រទេសចិន រយៈពេល៣ឆ្នាំ គិតត្រឹមចុងឆ្នាំ២០១៧ ក្រសួងបរិស្ថានចិន បានរកឃើញថា មានប្រភពបំពុលចំនួនដល់ ៣,៥៨លានប្រភព។

លោក Zhao Yingmin អនុរដ្ឋមន្រ្តីក្រសួងអេកូឡូស៊ី និងបរិស្ថានចិន បានថ្លែងក្នុងសន្និសីទកាសែតកាលពីថ្ងៃទី១០ ខែមិថុនា ឆ្នាំ២០២០ថា ការស្រាវជ្រាវនេះ ធ្វើឡើងក្នុងគោលបំណងកំណត់បញ្ហាការគំរាមកំហែងនៃបំពុលទូទាំងប្រទេស។

លោកបញ្ជាក់ថា៖ «វាមានតួនាទីសំខាន់ក្នុងការប្រយុទ្ធនឹងការបំពុល ហើយវានឹងជួយគាំទ្រដល់ការការពារប្រព័ន្ធអេកូឡូស៊ី និងបរិស្ថានចិន»។

ការធ្វើជំរឿននេះ បានបង្កើតតារាងទិន្នន័យជាង ១៨០០ ហើយប្រមូលបានវត្ថុសំណាក ១៥០លាននៃទិន្នន័យមូលដ្ឋាន។ ក្នុងចំណោមប្រភពបំពុលជាង ៣លាននោះ ក្នុងនោះជាង ៤៤ភាគរយហើយ ដែលមានប្រភពមកពីឧស្សាហកម្មធំៗ និងស្ទើតែ ៥៣ភាគរយមានប្រភពបំពុលមកពីខេត្តចំនួន៥ នៅភាគខាងកើតប្រទេស។

លោក Zhao ព្រមានថា ឧស្សាហកម្មបំពុលធំៗ នៅតែស្ថិតក្នុងកម្រិតខ្ពស់។ «ការផ្ទុះជំងឺកូវីដ១៩ ក៏បានរំលឹកយើងផងដែរថា សង្គមទាំងមូលត្រូវការបៃតង និងជីវិតរស់នៅប្រកបដោយសុខភាពល្អ និងយកចិត្តទុកដាក់កាន់តែច្រើនទៅលើបរិស្ថាន»៕

ប្រភព៖ CGTN