គួរដឹង! អត្ថប្រយោជន៍ ៣ សំខាន់ៗក្នុងការដាំកូនរុក្ខជាតិតូចៗនៅក្នុងបន្ទប់

2020-06-15 06:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ជាការពិត ការដាំដើមឈើនៅក្នុងគេហដ្ឋានគឺជារឿងដ៏ប្រសើរ ចុះចំណែកឯការដាំដើមឈើនៅក្នុងបន្ទប់? តើវាមានអត្ថប្រយោជន៍ និង តួនាទីអ្វីខ្លះ? ដូចដែលគ្រប់គ្នាបានដឹងស្រាប់មកហើយថារុក្ខជាតិមានតួនាទីស្រូបយកជាតិពុលក្នុងបរិយាកាស និង បញ្ចេញមកវិញនៅខ្យល់អុកស៊ីសែនសម្រាប់ខ្យល់ដង្ហើម។ ដូច្នេះ មកដឹងឲ្យកាន់តែច្បាស់ពីគុណប្រយោជន៍ទាំង ៣ ធំៗនៃដាំរុក្ខជាតិនៅក្នុងបន្ទប់គេង៖

រូបតំណាង

**១. វាធ្វើឲ្យបន្ទប់គេងមានភាពស្រស់ស្រាយ**

គុណសម្បត្តិនៃបន្ទប់គេងដែលមានដើមឈើនៅក្នុងនោះគឺសោភ័ណភាព និង មើលទៅមានភាពស្រស់ស្រាយតែម្ដង។ ជាពិសេស ការដាក់តាំងរុក្ខជាតិពណ៌បៃតងនៅក្បែរគ្រែគេងគឺជួយផ្ដល់នូវភាពស្រស់ស្អាតដល់បរិវេណក្នុងបន្ទប់គេងរបស់អ្នករហូតដល់ទ្វេដងឯណោះ។

២. វាជួយផ្ដល់នូវខ្យល់បរិសុទ្ធ

ជាការពិត ដើមឈើតូចៗដែលអ្នកដាំក្នុងបន្ទប់ក៏មានឥទ្ធិពលជួយសម្រួលនូវខ្យល់ដកដង្ហើមរបស់អ្នកបានដែរ ដោយការស្រូបយកនូវជាតិពុលនៅក្នុងបន្ទប់ហើយបញ្ចេញមកវិញនូវខ្យល់អុកស៊ីសែនដើម្បីឲ្យបរិយាកាសនៅក្នុងបន្ទប់មានភាពស្រស់ស្រាយ និងគ្មានជាតិពុល។

រូបតំណាង

៣. វាជួយបំបាត់ការតឹងតែងក្នុងអារម្មណ៍

គុណប្រយោជន៍ដ៏ពិសេសចុងក្រោយរបស់ការដាំដើមឈើក្នុងបន្ទប់គឺវាជួយបំបាត់នូវភាពតានតឹង និង ស្មុគស្មាញក្នុងចិត្តបាន។ ការសម្លឹងមើល ឬ ប៉ះរុក្ខជាតិបៃតងត្រឹម ២ នាទីអាចជួយឲ្យអារម្មណ៍អ្នកមានភាពធូរស្រាល និង រំសាយនូវការស្រេ្តសបានមួយចំនួនធំឯណោះ។ ដូចនេះហើយ សម្រាប់អ្នកដែលមិនទាន់បានដាំដើមឈើតូចៗក្នុងបន្ទប់ គួរតែសាកល្បងដាំ និង ទទួលយកនូវគុណប្រយោជន៍ដ៏អស្ចារ្យរបស់វា៕