កូវីដ១៩ប្រែក្លាយស្ត្រីថៃម្នាក់ទៅជាតារាសិច ដែលរកចំណូលបានច្រើនសន្ធឹក!

2020-06-22 00:12:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ព្រោះតែភាពច្របូកច្របល់ និងបាត់បង់ចំណូលកំឡុងជំងឺឆ្លងកូវីដ១៩ ស្ត្រីជនជាតិថៃម្នាក់បានប្រែជីវិតរបស់នាងទៅជាតារាអាសអាភាសអនឡាញល្បីមួយរូបនៅលើវិបសាយសិចស៊ី OnlyFans ហើយទទួលបានចំណូលច្រើនជាងមុនថែមទៀតផង។

Fernie Warisa បានឲ្យដឹងថា មិនខុសពីមនុស្សភាគច្រើន នាងក៏បាត់បង់ការងារធ្វើដែរ។ នាងបានចាកចេញពីបាងកកជាមួយនឹងកូនស្រី មករស់នៅក្នុងផ្ទះម្ដាយឯទីក្រុង Nonthaburi។ មុនដើមឆ្នាំ២០២០ នាងធ្លាប់បម្រើការជានារីរត់តុនៅក្នុងបារបារាំង ហើយបន្ទាប់មកទទួលការងារជាតារាម៉ូឌែលថតរូបស្រើបស្រាលឲ្យទស្សនាវដ្ដី Kinaree។ យ៉ាងណាមិញ កាលនោះនាងបដិសេធមិនទទួលថតរឿងអាសអាភាសឡើយ។

រកការងារធ្វើមិនកើត ហើយចំណូលក៏គ្មាន ទើប Warisa បានបែកគំនិតបង្កើតគណនីរកលុយតាមវិបសាយមួយដែលមានឈ្មោះថា OnlyFans ដោយត្រូវធ្វើការតែពីផ្ទះនោះទេ។ តាមរយៈការងារនេះ នាងបានប្រាក់ចំណូលក្នុង១ខែៗខ្ទង់ ៦០០០០បាត (ប្រហែល ២០០០ដុល្លារ)។

សូមបញ្ជាក់ត្រង់ចំណុចនេះបន្តិចថា OnlyFans ក៏មានទម្រង់ដូចជាបណ្ដាញសង្គមផ្សេងៗទៀតដែរ គឺខុសគ្នាត្រង់ថា បើចង់តាមដានគណនីនរណាម្នាក់ ទាល់តែបង់សេវាកម្មប្រចាំខែទើបមើលការបង្ហោះរូប ឬវីដេអូនានារបស់ម្ចាស់គណនីបាន។ ក្នុងទម្រង់បែបនេះហើយទើប Warisa អាចទាញចំណូលយ៉ាងងាយពីវិបសាយមួយនេះ។

Warisa បានរៀបរាប់ថា ដំបូងឡើយៗ តារាម៉ូឌែលភាគច្រើនចូលចិត្តបង្ហោះត្រឹមរូបសិចស៊ី ដើម្បីទាក់ទាញអ្នកតាមដាន (subscriber) តែនាងរាងខុសពីគេបន្តិច ពេលចូលដំបូង គឺនាងចង់ឆាប់ល្បីខ្លាំង ដើម្បីរកលុយ។ ដូច្នេះហើយនាងបានចាប់ផ្ដើមដំបូងដោយបង្ហោះរូបស្រាតយកតែម្ដង។ អ្នកលើ OnlyFans បានចាប់អារម្មណ៍ខ្លាំងចំពោះនាង តែមានអ្នកខ្លះហៅនាងថាជាតារាសិច ដែលធ្វើឲ្យ Warisa មិនសប្បាយចិត្ត។ យ៉ាងណាមិញ យូរៗទៅ នាងក៏ស៊ាំត្រចៀក ហើយគិតថាវាគឺជាការសរសើរមួយបែបទៅវិញ។ ដោយមានចិត្តហក់លោតខ្លាំង ស្ត្រីថៃរូបនេះបានប្រែខ្លួនទៅជាតារាសិចពេញលេញតែម្ដង ដោយនាងចាប់ផ្ដើមថតវីដេអូសិច ហើយបង្ហោះទាក់ទាញ subscriber នៅលើ OnlyFans។

Warisa បានអះអាងថា វាជាការងារសិចដ៏មានសុវត្ថិភាពមួយជាងការទៅរកស៊ីផ្លូវភេទនៅខាងក្រៅផ្ទាល់។ អ្វីដែលនាងពេញចិត្តមួយទៀតគឺនាងមានពេលគ្រប់គ្រាន់សម្រាប់មើលថែកូនស្រី និងអ្នកផ្ទះ៕

ប្រភព៖ Dailystar ប្រែសម្រួល៖ ឈាង.