ការស្រាវជ្រាវរកឃើញថា ជំងឺផ្តាសាយថ្មីមួយទៀតនៅចិន ក៏អាចផ្ទុះការរាតត្បាតខ្លាំងផងដែរ
- 2020-06-30 01:48:09
- ចំនួនមតិ 0 | ចំនួនចែករំលែក 0
ការស្រាវជ្រាវរកឃើញថា ជំងឺផ្តាសាយថ្មីមួយទៀតនៅចិន ក៏អាចផ្ទុះការរាតត្បាតខ្លាំងផងដែរ
ចន្លោះមិនឃើញ
អ្នកស្រាវជ្រាវក្នុងប្រទេសចិន បានរកឃើញគ្រុនផ្តាសាយជ្រូកប្រភេទថ្មីមួយ ដែលអាចបង្កជាជំងឺរាតត្បាតខ្លាំង។ នេះបើតាមការសិក្សាស្រាវជ្រាវមួយ ដែលចេញផ្សាយកាលពីថ្ងៃទី២៩ ខែមិថុនា ឆ្នាំ២០២០ នៅក្នុងព្រឹត្តបត្រ PNAS។
បើតាមអ្នកវិទ្យាសាស្រ្តនៅមជ្ឈមណ្ឌលគ្រប់គ្រងជំងឺឆ្លងនៃប្រទេសចិន បានឱ្យដឹងថា ផ្តាសាយជ្រូកប្រភេទថ្មីនេះ ត្រូវដាក់ឈ្មោះថា «G4» ដែលជាជំងឺស្ថិតក្នុងអំបូរជាមួយជំងឺ H1N1 ប៉ុន្តែ G4 អាចមានលទ្ធភាពខ្ពស់ក្នុងការចម្លងដល់មនុស្ស។
ចាប់ពីឆ្នាំ២០១១ ដល់ ២០១៨ អ្នកស្រាវជ្រាវបានយកសំណាកចំនួន ៣ម៉ឺន ពីសត្វជ្រូក នៅតាមកន្លែងកាប់ជ្រូកក្នុងខេត្តចំនួន១០ និងនៅពេទ្យសត្វមួយកន្លែង នៅប្រទេសចិន ដោយពួកគេបានដាក់ដោយឡែកពីគ្នានូវវីរុសផ្តាសាយជ្រូក ១៧៩ប្រភេទ។ ក្នុងនោះវីរុស G4 ត្រូវបានអង្កេតឃើញថា អាចមានលទ្ធភាពខ្ពស់ជាងគេក្នុងការចម្លងដល់មនុស្ស ហើយអាចបណ្តាលឱ្យមានរោគសញ្ញាធ្ងន់ធ្ងរច្រើនជាងវីរុសដទៃ៕