Messi ទាត់ប៉េណាល់ទី ដោយប្រើបច្ចេកទេសដ៏ចំណាស់មួយក្នុងបាល់ទាត់
- 2020-07-01 03:45:00
- ចំនួនមតិ 0 | ចំនួនចែករំលែក 0
Messi ទាត់ប៉េណាល់ទី ដោយប្រើបច្ចេកទេសដ៏ចំណាស់មួយក្នុងបាល់ទាត់
ចន្លោះមិនឃើញ
Lionel Messi អាចរកបាន ១ គ្រាប់ជាបាល់ប៉េណាល់ទី ដោយប្រើបច្ចេកទេសទាត់បែប Panenka Penalty ។
បើបកជាភាសាខ្មែរ ក្បាច់ Panenka ជាបច្ចេកទេសទាត់បាល់មួយបែប ដែលតម្រូវឲ្យអ្នកទាត់ ចេះឆ្កឹះបាល់ឡើងមកលើ ឬឈូសចុងជើង។ គេអាចប្រើវាក្នុងការទាត់ប៉េណាល់ទី ឬហ្វ្រីឃីគ ក៏បានអាស្រ័យលើកីឡាករជាអ្នកសម្រេច ថាតើគូរទាត់ពេលណា។
ចំណែកឯអ្នកបង្កើតក្បាច់នេះដំបូងឈ្មោះថា Antonin Panenka ជាកីឡាករបាល់ទាត់ សញ្ជាតិសាធារណរដ្ឋឆេកូស្លូវ៉ាគី។ ដែលវាជាគ្រាប់បាល់ជួយឲ្យប្រទេសលើកពាន European Championship ឬ Euro ១៩៧៦ ។
ដោយឡែក ១ គ្រាប់នោះគឺគម្រប់គ្រាប់ទី ៧០០ ក្នុងអាជីពជាកីឡាកររបស់ Messi ក្រោយបង្ហាញខ្លួនសរុប ៨៦២ ដងទាំងក្លឹបនិងជម្រើសជាតិ។ បើទោះជាបាននាំមុខដោយការទាត់ចេញពីជ្រុង (Corner kick) ចេញពីជើងរបស់ Messi ចូលទី តែចាត់ជាបាល់ Own goal ដោយសារតែ Costa ប៉ះបាល់ធ្វើឲ្យចូលទីខ្លួនឯង។ លទ្ធផលបញ្ចប់ ២-២ ក្រុមម្ចាស់ផ្ទះ Barcelona ទល់នឹង Atletico Madrid ។
លទ្ធផលនេះបានធ្វើឲ្យ ក្រុម Barcelona មាន ៧០ ពិន្ទុតាមពីក្រោយ Real Madrid ដែលមាន ៧១ ពិន្ទុក្នុងដៃ និងនៅសល់ ៥ ប្រកួតទៀតនឹងបិទរដូវកាលហើយ៕
ទស្សនាវិដេអូហាយឡាយខាងក្រោម៖