នាយករដ្ឋមន្រ្តីថៃ៖ ការទិញ​សព្វាវុធថ្មីៗ គឺដើម្បីការពារ​ព្រំដែន​របស់យើង

  • 2020-07-02 01:47:56
  • ចំនួនមតិ 0 | ចំនួនចែករំលែក 0

ចន្លោះមិនឃើញ


លោក ប្រាយុទ្ធ ចាន់អូចា នាយករដ្ឋមន្រ្តីថៃ បាន​ឡើងថ្លែងការពារ​សេចក្តី​ព្រាងច្បាប់​ស្តីពីថវិកាជាតិ​ឆ្នាំ​២០២១ នៅសភាកាលពីថ្ងៃទី១ ខែកក្កដា ឆ្នាំ​២០២០ ដោយ​ក្នុងនោះ​លោក​បានបញ្ជាក់ពី​ការទិញ​សព្វាវុធថ្មីៗ បើទោះ​បីជាសេដ្ឋកិច្ចថៃ​កំពុងរងគ្រោះដោយសារ​ជំងឺកូវីដ១៩ក៏ដោយ។

​ រដ្ឋាភិបាល​ថៃ ត្រូវការថវិកាឆ្នាំ២០២១ ប្រមាណ ៣,៣ទ្រីលានបាត ក្នុងនោះ​ថវិកាប្រមាណ ២២៣,៤ពាន់លានបាតទៅហើយ ដែល​ប្រើសម្រាប់​វិស័យការពារ​ជាតិ។ ប៉ុន្តែ​ខាង​សមាជិក​សភាមកពីគណបក្សប្រឆាំង បាន​ជំទាស់ថា ក្នុងអំឡុងវិបត្តិ​នេះ រដ្ឋាភិបាល​មិនគួរ​ចំណាយលុយលើវិស័យយោធាច្រើនពេកនោះ ពោលគឺគួរតែផ្អាកនីតិវិធិទិញអាវុធ ដោយរួមមានទាំងនាវាមុជទឹកផង ដោយ​យកថវិកានោះ ទៅជួយស្រោចស្រង់សេដ្ឋកិច្ច​ក្រោយ​កូវីដ។

លោក ប្រាយុទ្ធ បាន​ឆ្លើយតបវិញថា គម្រោង​ទិញអាវុធនីមួយៗគឺ​ត្រូវប្រើ​រយៈពេលច្រើនឆ្នាំ ដើម្បី​បញ្ចប់​នីតិវិធី ព្រមទាំងការចំណាយពេលលើការ​ផលិត និង​នាំចូលទៀតផង។

លោក​ពន្យល់​ថា៖ «បេសកកម្មរបស់យើង គឺការពារ​អធិបតេយ្យ​ភាព​របស់​ប្រទេសនៅតាមបណ្តោយ​ព្រំដែន ហើយ​យើង​បាន​រៀបចំសម្រាប់​ការប្រយុទ្ធថ្មីដែលនឹងកើតអាចកើតឡើង»៕

ប្រភព៖ Bangkokpost

អត្ថបទថ្មី
;