អ៊ីស្រាអែល បាញ់ផ្កាយរណបមួយដើម្បីត្រៀមទប់ទល់នឹងសត្រូវជិតឆ្ងាយ
- 2020-07-07 06:38:22
- ចំនួនមតិ 0 | ចំនួនចែករំលែក 0
អ៊ីស្រាអែល បាញ់ផ្កាយរណបមួយដើម្បីត្រៀមទប់ទល់នឹងសត្រូវជិតឆ្ងាយ
ចន្លោះមិនឃើញ
ប្រទេសអ៊ីស្រាអែល បានបាញ់បង្ហោះផ្កាយរណបចារកម្មថ្មីមួយឈ្មោះថា «Ofek 16» ទៅកាន់ទីអវកាសដោយជោគជ័យ កាលពីថ្ងៃទី៦ ខែកក្កដា ឆ្នាំ២០២០។
នាយករដ្ឋមន្រ្តីអ៊ីស្រាអែល លោក Benjamin Netanyahu បានសាទរចំពោះការបាញ់បង្ហោះផ្កាយរណបនេះ ដោយលោកបញ្ជាក់ថា វានឹងបង្កើនសមត្ថភាពរបស់អ៊ីស្រាអែល ក្នុងការទប់ទល់នឹងសត្រូវរបស់ខ្លួន ទាំងនៅជិត និងឆ្ងាយ។
លោកនាយករដ្ឋមន្រ្តីថ្លែងក្នុងកិច្ចប្រជុំគណៈរដ្ឋមន្រ្តីយ៉ាងដូច្នេះថា៖ «វានឹងពង្រីកសមត្ថភាពរបស់យើងទាំងលើដីគោគ សមុទ្រ អាកាស និងអវកាសផងដែរ»។
ផ្កាយរណប Ofek 16 នឹងអាចថតចាប់យករូបភាពទាំងមូលនៃផែនដីក្នុងកម្រិតគុណភាពខ្ពស់ សម្រាប់ឱ្យក្រសួងការពារជាតិអ៊ីស្រាអែល។
គួរកត់សម្គាល់ថា ការបង្ហោះផ្កាយរណបធ្វើឡើងប៉ុន្មានថ្ងៃប៉ុណ្ណោះក្រោយពេលដែលមានករណីអគ្គិភ័យមួយកើតឡើងនៅទីតាំងនុយក្លេអ៊ែររបស់អ៊ីរ៉ង់ ខណៈអ៊ីស្រាអែល ត្រូវបានគេចោទថាជាអ្នកនៅពីក្រោយបង្កហេតុការណ៍នេះ។
សូមរំលឹកថា អ៊ីស្រាអែលបានបាញ់បង្ហោះផ្កាយរណបត្រកូល Ofek ជាលើកដំបូងពោលគឺ Ofek 1 កាលពីខែកញ្ញា ឆ្នាំ១៩៨៨ ដែលធ្វើឱ្យអ៊ីស្រាអែល ពេលនោះក្លាយជាប្រទេសទី៨ ដែលបាញ់បង្ហោះផ្កាយរណបទៅកាន់ទីអវកាស៕
ចុចអាន៖ មើលវីដេអូនេះហើយ ទើបដឹងថាយោធាអ៊ីស្រាអែលខ្លាំងក្នុងលោក គ្មានអ្នកហ៊ានប៉ះ