ក្រសួងសាធារណការ នឹងចេញបណ្ណបើកបរដែលអាចឱ្យពលរដ្ឋខ្មែរ បើកឡាននៅប្រទេសគេបាន
- 2020-07-07 07:28:04
- ចំនួនមតិ 0 | ចំនួនចែករំលែក 0
ក្រសួងសាធារណការ នឹងចេញបណ្ណបើកបរដែលអាចឱ្យពលរដ្ឋខ្មែរ បើកឡាននៅប្រទេសគេបាន
ចន្លោះមិនឃើញ
លោក ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានឱ្យដឹងថា ក្រសួងនឹងចេញបណ្ណបើកបរអន្តរជាតិ ដែលអាចឱ្យប្រជាពលរដ្ឋខ្មែរ បើកបររថយន្តនៅប្រទេសដទៃទៀតបាន។ លោកថ្លែងដូច្នេះ ក្នុងកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំឆមាសទី១ និងទិសដៅការងារឆមាសទី២ ឆ្នាំ២០២០ នាព្រឹកថ្ងៃទី០៧ ខែកក្កដា ឆ្នាំ២០២០ នៅទីស្ដីការក្រសួងមហាផ្ទៃ។
លោកទេសរដ្ឋមន្រ្តីបញ្ជាក់យ៉ាងដូច្នេះថា៖ «ខែ៧ ខែ៨ យើងនឹងចេញបណ្ណបើកបរអន្តរជាតិ ដោយសារទៅប្រទេសគេ បើកឡានអត់បាន។ មានបណ្ណបើកបរខ្មែរ បើកមិនបាន ដូច្នេះយើងជាសមាជិកអង្គការសហប្រជាជាតិដែរ អ៊ីចឹងយើងអាចចេញបណ្ណបើកបរអន្តរជាតិ ជូនបងប្អូនប្រជាពលរដ្ឋយើង ដែលលោកមានបណ្ណបើកបរ ហើយយកមកដូរ មកសុំបណ្ណបើកបរ (អន្តរជាតិ) ប៉ុន្មានខែអ៊ីចឹងទៅ យើងអាចចេញជូនគាត់បាន។ យើងមានប្រភេទ A, B, C ពីក្រោយហ្នឹង យើងបោះត្រាតាមប្រភេទ ដែលគាត់ស្នើសុំ»៕