ខ្សែប្រយុទ្ធក្រូអាតលេងនៅអ៊ីតាលី ឡើងជើងខ្លាំងស៊ុត Hat-trick ជួយក្រុមឡើងទៅកៀក Juventus
- 2020-07-15 03:25:00
- ចំនួនមតិ 0 | ចំនួនចែករំលែក 0
ខ្សែប្រយុទ្ធក្រូអាតលេងនៅអ៊ីតាលី ឡើងជើងខ្លាំងស៊ុត Hat-trick ជួយក្រុមឡើងទៅកៀក Juventus
ចន្លោះមិនឃើញ
Mario Pašalić ជាខ្សែប្រយុទ្ធសញ្ជាតិក្រូអាតវ័យ២៥ឆ្នាំ កំពុងប្រកបអាជីពនៅក្លឹប Atalanta ក្នុងលីគកំពូលអ៊ីតាលី អាចស៊ុតបាន ៣ គ្រាប់ម្នាក់ឯង(Hat-trick) ក្នុងចំណោមគ្រាប់ឈ្នះរបស់ Atalanta ៦-២ លើក្រុមបាតតារាង Brescia ។
លទ្ធផលឈ្នះគ្រាប់យ៉ាងច្រើនជួយឲ្យ ក្រុមកំពុងឡើងជើងខ្លាំងនៅអ៊ីតាលីមួយនេះ ហក់មកឈរលេខ ២ មាន ៧០ ពិន្ទុតាមពីក្រោយក្រុមកំពូលតារាង Juventus កំពុងមាន៧៦ ពិន្ទុ។
ចំណែកឯក្រុម Inter Milan និង Lazio ធា្លក់ទៅលេខ ៣ និងលេខ ៤ ខណៈដែល SerieA នៅសល់ ៦ ប្រកួតទៀតនឹងបិទរដូវកាល។
ក្រុមមានមូលដ្ឋានក្នុងតំបន់ Bergamo មួយនេះ ក៏បានធ្វើឲ្យភ្ញាក់ផ្អើលផងដែរ ដោយស៊ុតបញ្ចូលទីគូប្រកួតបានចំនួនសរុប ៩៣គ្រាប់ដែលជាចំនួនច្រើនបំផុតធៀបនឹងក្រុមដទៃនៅ អ៊ីតាលី។
បើធៀបនឹងលីគកំពូល ៥ អ៊ឺរ៉ុប មានតែ Bayern Munich ប៉ុណ្ណោះដែលអាចធ្វើបានដល់ ១០០ គ្រាប់។ ដូចនេះ Atalanta ឈរលេខ ២ ជាក្រុមខ្លាំងមួយដែលធ្វើបានបែបនេះក្នុងរដូវកាល ២០១៩-២០២០ ៕
ទស្សនាវីដេអូខាងក្រោម