សម្តេច ហ៊ុន សែន បញ្ជាក់​ពីចំនួនមាស​របស់​កម្ពុជា​

  • 2020-07-23 03:50:01
  • ចំនួនមតិ 3 | ចំនួនចែករំលែក 3

ចន្លោះមិនឃើញ


នៅព្រឹកថ្ងៃទី២៣ ខែកក្កដានេះ សម្តេច ហ៊ុន សែន បាន​បង្ហោះនៅលើទំព័រហ្វេសប៊ុកដោយបង្ហាញ​ពីចំនួនមាស​ដែលកម្ពុជាមាន ក្នុងនោះតាមតួលេខថ្មី គឺកម្ពុជាមានមាសដល់ ៣៦,៥តោន។

សម្តេចតេជោ បាន​សរសេរយ៉ាងដូច្នេះថា៖

«មួយរយៈពេលចុងក្រោយនេះ មានបងប្អូនយើងមួយចំនួនចង់ដឹងអំពីមាសដែលជាទុនបំរ៉ុងរបស់ជាតិ។ ការចង់ដឹងរបស់បងប្អូនមួយចំនួនធំមាន ភាពសុចរិត ពីព្រោះវាជារបស់ជាតិតែនៅមានជនអាក្រក់មួយចំនួនតូចបាននឹងកំពុងប្រើប្រាស់ការបាត់បង់ដំណឹងអំពីមាសដើម្បីវាយប្រហាររាជរដ្ឋាភិបាលថា ចង់បន្លំយកមាសក្នុងពេលមានជំងឺឆ្លងកូវីដទី១៩ ព្រោះមិនដែលឮ លោក ហ៊ុន សែន និយាយពីមាសនេះទៀតទេ។ ដើម្បីច្បាស់ពីមាស សូមមើលការពន្យល់របស់ធនាគារជាតិកម្ពុជា នោះបងប្អូនប្រាកដជាយល់ និងអបអរសាទរជាមួយទុនបំរ៉ុងរបស់ជាតិយើងដែលកើនឡើង ជាលំដាប់។ ប្រហែលមួយឆ្នាំមុនខ្ញុំធ្លាប់ប្រកាស់ថាមាសរបស់យើងមាន៣០តោន តែតាមតួលេខថ្មីនេះមាសរបស់យើងមានដល់៣៦,៥តោន។ នេះមិនមែនជាមាយាទស្រីកញ្ជើរធ្លុះក្នុងការគ្រប់គ្រងសេដ្ឋកិច្ចជាតិនោះទេ»។

ចុចអាន​បន្ថែម៖ សរុប​ទាំងលុយ និងមាស ដែល​ជា«ទុន​បម្រុង​អន្តរជាតិ» របស់​កម្ពុជា​ទាំងអស់​មាន​ប៉ុន្មានហើយ?

;