រថយន្តបែបក្លាស៊ីកទាំង ៣គ្រឿងនេះផលិតនៅអាមេរិក ដែលបានដាក់តាំងលក់យានដ្ឋានជួសជុលរថយន្តទំនើបមួយនៅបណ្តោលផ្លូវឧកញ៉ាម៉ុង ឬទ្ធី កែងស្តុបទៅផ្សារទំនើបអេអន២ ខណ្ឌសែនសុខ រាជធានីភ្នំពេញ។

រថយន្តក្លាស៊ីកទាំង ៣គ្រឿងដែលដាក់លក់នៅមុខយាន្តដ្ឋានជួសជុលរថយន្ត EMC នេះគឺជារថយន្តដែលផលិតទសវត្សទី៦០ និង៧០ ដែលក្នុងនោះមាន **Cadillac Deville ផលិតឆ្នាំ ១៩៦៦**, **Cadillac ELDORADO ផលិតឆ្នាំ ១៩៧៨** និងរថយន្តមួយគ្រឿងទៀត **Chevrolet Impala ផលិតឆ្នាំ ១៩៦៥**។

បើតាមលោក ស្រៀង អភិរក្ស អ្នកតំណាងយាន្តដ្ឋានជួសជុលរថយន្ត EMC បានបញ្ជាក់ថា រថយន្ត Cadillac Deville ផលិតឆ្នាំ ១៩៦៦ ម៉ាស៊ីន ៧.០L V8 ល្បឿនដែលអាចរត់បានរហូតដល់ ២០០គីឡូម៉ែត្រក្នុង ១ម៉ោង, Cadillac ELDORADO ផលិតឆ្នាំ ១៩៧៨ ម៉ាស៊ីន ៧.០L V8 ល្បឿនដែលអាចរត់បានរហូតដល់ ២០០គីឡូម៉ែត្រក្នុង ១ម៉ោង និងរថយន្តមួយគ្រឿងទៀត Chevrolet Impala ផលិតឆ្នាំ ១៩៦៥ ម៉ាស៊ីន ៥.៤L V8 ល្បឿនដែលអាចរត់បានរហូតដល់ ១៧៦គីឡូម៉ែត្រក្នុង ១ម៉ោងតម្លៃ ត្រូវបានយានដ្ឋានជួសជុលរថយន្តទំនើបខាងលើដាក់លក់ក្នុងតម្លៃដូចគ្នាគឺ ៦៧៩០០ដុលា្លរ តម្លៃនេះគឺជាតម្លៃដែលអ្នកចរចារបាន។