វៀតណាម គ្រោងដាក់ដេញថ្លៃលក់លេខពិសេសយានយន្តផ្ទាល់ខ្លួន ហើយលេខបែបនេះអាចថ្លៃជាងគេ
- 2020-08-03 03:14:52
- ចំនួនមតិ 0 | ចំនួនចែករំលែក 0
វៀតណាម គ្រោងដាក់ដេញថ្លៃលក់លេខពិសេសយានយន្តផ្ទាល់ខ្លួន ហើយលេខបែបនេះអាចថ្លៃជាងគេ
ចន្លោះមិនឃើញ
វៀតណាម គ្រោងអនុម័តច្បាប់ចុះបញ្ជីយានយន្តថ្មីមួយ ដែលអាចឱ្យប្រជាជនទិញលេខពិសេសផ្ទាល់ខ្លួនសម្រាប់បំពាក់លើម៉ូតូ និងរថយន្ត។ នេះបើតាមការចុះផ្សាយរបស់ Vietnam News នៅថ្ងៃទី៣ ខែសីហា ឆ្នាំ២០២០។
ផ្លាកលេខយានយន្តដែលមានលេខ «៨៨៨៨៨», លេខចុងក្រោយ «៨៦» ឬ «៦៨» ត្រូវបានគេយល់ថាជាលេខនាំសំណាង និងពេញនិយមសម្រាប់អ្នកបើកបរនៅវៀតណាម។ ចំណែកលេខចុងក្រោយ «៩» ក៏ត្រូវបានចាត់ទុកថាជាលេខហ៊ុងស៊ុយផងដែរ។ លេខទាំងនេះ អាចស្ថិតក្នុងចំណោមលេខដែលមានតម្លៃថ្លៃៗជាងគេ។
បើតាមសេចក្តីព្រាងច្បាប់ថ្មីស្តីពីចរាចរណ៍ និងសុវត្ថិភាពរបស់ក្រសួងសន្តិសុខសាធារណៈវៀតណាម ឱ្យដឹងថា ផ្លាកលេខយានយន្តនេះ នឹងត្រូវបានបែងចែកទៅជា៣ប្រភេទ រួមមាន៖ លេខល្អ, លេខជម្រើស និងលេខចៃដន្យ។
ការលក់លេខពិសេសនេះនឹងត្រូវដាក់ដេញថ្លៃលក់នៅលើអនឡាញ។ អ្នកដែលឈ្នះការដេញថ្លៃនេះ គឺមាសិទ្ធិធ្វើជាម្ចាស់លេខ ហើយអាចផ្ទេរបាន ដោយមិនត្រូវបានដកហូតវិញឡើយ បើសិនមិនបានបំពានបទបញ្ញត្តិនៃការដេញថ្លៃទេនោះ៕