រដ្ឋមន្រ្តីអេហ្ស៊ីបឆ្លើយតបយ៉ាងម៉េច ចំពោះ Elon Musk ដែលថាពីរ៉ាមីតសង់ដោយពួក Alien

  • 2020-08-03 08:00:46
  • ចំនួនមតិ 18 | ចំនួនចែករំលែក 37

ចន្លោះមិនឃើញ


ភ្លាមៗក្រោយពេល​ស្ថាបនិកក្រុមហ៊ុន Space X លោក Elon Musk បាន​បង្ហោះលើ​ទ្វីតធើ​កាលពី​ចុងខែកក្កដាថា ប្រាសាទពីរ៉ាមីត ក្នុងប្រទេស​អេហ្ស៊ីប សង់ដោយ​មនុស្សក្រៅភពនោះ រដ្ឋមន្រ្តីអេហ្ស៊ីប បានហៅ​លោកឱ្យទៅមើលប្រាសាទជាក់ស្តែងតែម្តង។

លោកស្រី Rania Al-Mashat រដ្ឋមន្រ្តី​ក្រសួងសហប្រតិបត្តិការអន្តរជាតិ​នៃប្រទេស​អេហ្ស៊ីប បាន​បង្ហោះ​លើទ្វីតធើ​យ៉ាងដូច្នេះ៖ «ខ្ញុំសូមអញ្ជើញ​លោក (Elon Musk) និង​ក្រុមហ៊ុន Space X រុករកមើល​ការសរសេរអំពី​របៀបនៃការសាងសង់ប្រាសាទពីរ៉ាមីត ហើយក៏សូមស្វែងយល់មើលផងដែរ​ចំពោះ​ផ្នូរ​នៃអ្នកសង់​ពីរ៉ាមីត។ លោក Musk ពួកយើង​កំពុងរង់ចាំ​ការមកដល់​របស់លោក»។

គួរបញ្ជាក់​ថា ​Pyramid of Giza​ ជា​ប្រាសាទ​ពីរ៉ាមីត​ដែល​ចាស់​ជាង​គេ​ និង​ធំ​ជាង​គេ​ស្ថិត​នៅ​ចន្លោះ​នៃ​ប្រាសាទ​ពីរ៉ាមីត​តូច​ៗ​ផ្សេង​ទៀត​ក្នុង​ទីក្រុង​បុរាណ​របស់​ប្រទេស​អេហ្ស៊ីប។ វា​ត្រូវ​បាន​សង់​ឡើង​ចន្លោះ​ពី​ឆ្នាំ​២៥៦០​ ទៅ ​២៥៤០​ មុន​គ.ស។ ប្រាសាទ​នេះ​មាន​កម្ពស់​១៤៦,៥​ម៉ែត្រ៕

ប្រភព៖ BBC

;