មិនសូវខ្លាំងរឿងផ្លូវភេទ? សាកវិធីទាំង៩នេះមើល៍!

2020-08-07 07:22:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មុននឹងទៅរកថ្នាំប្រើប្រាស់ដើម្បីពង្រឹងសុខភាពផ្លូវភេទ បុរសៗគួរសាកល្បងវិធីសាស្ត្របែបធម្មជាតិជាមុនសិន ព្រោះវានឹងមិនធ្វើឲ្យប៉ះពាល់សុខភាពរាងកាយយើងទៅថ្ងៃមុខនោះទេ។ បើតាមអ្នកជំនាញ មានគន្លឹះចំនួន ៩ ដែលជួយបង្កើនសមត្ថភាពផ្លូវភេទរបស់បុរសបាន៖

១. ធ្វើឲ្យរាងកាយសកម្ម៖ ជាធម្មតា ការរួមភេទរមែងធ្វើឲ្យចង្វាក់បេះដូងមនុស្សប្រុសដើរញាប់ជាងធម្មតា។ ហេតុដូច្នេះបុរសគប្បីធ្វើលំហាត់ប្រាណឲ្យបាន ៣០នាទីជារៀងរាល់ថ្ងៃ ដើម្បីបង្កើនសុខភាពចង្វាក់បេះដូង ជាពិសេសធ្វើឲ្យចលនាបេះដូងដើរស្រួលនៅពេលកំពុងរួមភេទម្ដងៗ។

២. បរិភោគផ្លែឈើនិងបន្លែ ដែលល្អចំពោះលំហូរឈាម៖ ខ្ទឹមបារាំង ខ្ទឹមស ចេក ម្រេច និងម្ទេស។

៣. ទទួលទានអាហារដែលល្អចំពោះផ្លូវភេទ៖ អាហារសម្បូរជាតិខ្លាញ់ Omega 3 (ត្រីសាម៉ុង ត្រីធូណា ផ្លែបឺរ និងប្រេងអូលីវ) អាហារសម្បូរវីតាមីន B-1 (សាច់ជ្រូក សណ្ដែកដី...) និងស៊ុត។

៤. កាត់បន្ថយភាពតានតឹងផ្លូវអារម្មណ៍

៥. លុបចោលទម្លាប់អាក្រក់ៗ៖ មានដូចជាការទទួលទានជាតិស្រវឹង និងជក់បារី ជាដើម។

៦. ធ្វើឲ្យស្បែកត្រូវពន្លឺថ្ងៃខ្លះ៖ ពេលត្រូវពន្លឺព្រះអាទិត្យ នោះរាងកាយនឹងបញ្ឈប់ការផលិតអ័រម៉ូនមេឡានីន។ អ័រម៉ូននេះជួយឲ្យយើងគេងលក់ស្រួល តែវាកាត់បន្ថយចំណង់ផ្លូវភេទរបស់មនុស្សទៅវិញ។ បើកាលណារាងកាយមនុស្សមានជាតិមេឡានីនតិច បានន័យថា ចំណង់ផ្លូវភេទនឹងត្រូវកើនឡើងខ្ពស់ទៅតាមហ្នឹងដែរ។

៧. ពង្រឹងសមត្ថភាពផ្លូវភេទនៅពេលសម្រេចកាមដោយខ្លួនឯង៖ នេះជាវិធីល្អមួយសម្រាប់អនុវត្តដោយខ្លួនឯង។ បុរសអាចសាកល្បងទម្លាប់សម្រេចកាមខ្លួនឯងឲ្យបានយូរ ដោយកុំប្រញាប់ប្រញាល់ពេក។ ការដែលសម្រេចកាមខ្លួនឯងលឿនពេក នោះវានឹងបង្កើតទម្លាប់ដូចគ្នាអ៊ីចឹងនៅពេលរួមភេទជាមួយដៃគូ។

៨. ពិភាក្សារកដំណោះស្រាយជាមួយដៃគូ៖ ការរួមភេទមិនមែនជារឿងតែម្នាក់ឯងទេ។ ដូច្នេះគួរសួរនាំពីតម្រូវការរបស់ដៃគូ ដើម្បីធ្វើឲ្យជីវិតផ្លូវភេទកាន់តែប្រសើរឡើងទាំងអស់គ្នា។

៩. ប្រឹក្សាជាមួយគ្រូពេទ្យជំនាញ

ប្រភព៖ healthline ប្រែសម្រួល៖ ឈាង.