គេបង្កើតអាស៊ានដំបូង មិនមែនដោយសារសេដ្ឋកិច្ចទេ គឺដោយសាររឿងមួយនេះ!

2020-08-07 08:07:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សមាគមប្រជាជាតិអាស៊ីអាគ្នេយ៍ (អាស៊ាន) ត្រូវបានបង្កើតឡើងនៅថ្ងៃទី៨ ខែសីហា ឆ្នាំ១៩៦៧ ដោយប្រទេសចំនួន៥ រួមមាន ឥណ្ឌូណេស៊ី ម៉ាឡេស៊ី ហ្វីលីពីន សិង្ហបុរី និងថៃ។ រដ្ឋមន្រ្តីការបរទេសទាំង៥ប្រទេស បានចុះហត្ថលេខារួមគ្នាលើសេចក្តីប្រកាសបង្កើតអាស៊ាននេះ ក្នុងទីក្រុងបាងកក។

ក្នុងចំណោមស្ថាបនិកទាំង៥ លោក Thanat Khoman ដែលជារដ្ឋមន្រ្តីការបរទេសនាពេលនោះ បានពន្យល់អំពីមូលហេតុដ៏សំខាន់ក្នុងការបង្កើតអាស៊ាន ក្នុងអត្ថបទមួយដែលចេញផ្សាយកាលពីឆ្នាំ១៩៩២។

លោកបានសង្កត់ធ្ងន់ថា ការបង្កើតអង្គការតំបន់នេះឡើងក្នុងគោលបំណងសំខាន់បំផុត គឺដើម្បីរួមគ្នាទប់ទល់នឹងពួកមហាអំណាចក្នុងអំឡុងសម័យសង្គ្រាមត្រជាក់ រួមមាន អាមេរិក និងសហភាពសូវៀត ព្រមទាំងចិនផងដែរ ពោលគឺរវាងប្លុកសេរី និងកុម្មុយនិស្ត។ «កត្តាជំរុញកិច្ចប្រឹងប្រែងរបស់យើង គឺការឈររួមគ្នាជាកម្លាំង និងការពារពួកយើងទប់ទល់នឹងការប្រកួតប្រជែងរបស់មហាអំណាចធំៗ»។

លោកក៏លើកឡើងមូលហេតុមួយទៀតដែរថា ដោយសារតែបទពិសោធន៍នៃអង្គការសេអាតូ ព្រោះថាអង្គការយោធានេះ គឺមានប្រទេសជាសមាជិក ដែលនៅឆ្ងាយៗពីគ្នា ម្លោះហើយវាគឺគ្មានប្រសិទ្ធភាពក្នុងកិច្ចសហប្រតិបត្តិការឡើយ។

សូមជម្រាបថា មកដល់ពេលនេះអាស៊ាន មានសមាជិក ១០ប្រទេសរួមមាន ឥណ្ឌូណេស៊ី ម៉ាឡេស៊ី ហ្វីលីពីន សិង្ហបុរី ថៃ វៀតណាម ប្រ៊ុយណេ មីយ៉ាន់ម៉ា ឡាវ និងកម្ពុជា៕

ប្រភព៖ Asean