កុមារាសាច់ដុំ អាយុត្រឹម៦ឆ្នាំ តែជិតសម្រេចគោលដៅធំក្នុងជីវិតបាត់ទៅហើយ!
- 2020-08-10 06:28:05
- ចំនួនមតិ 0 | ចំនួនចែករំលែក 0
កុមារាសាច់ដុំ អាយុត្រឹម៦ឆ្នាំ តែជិតសម្រេចគោលដៅធំក្នុងជីវិតបាត់ទៅហើយ!
ចន្លោះមិនឃើញ
ខុសពីក្មេងដទៃឯទៀត Arat Hosseini គឺជាកុមារាម្នាក់ ដែលស្រឡាញ់ចូលចិត្តការហាត់ប្រាណ និងលេងកីឡាគ្រប់ប្រភេទជាខ្លាំង។ នៅត្រឹមវ័យ៦ឆ្នាំប៉ុណ្ណោះ Arat មានរូបរាងកាយដ៏មាំមួន ក៏ដូចជាសាច់ដុំធំៗស្ទើរមិនគួរឲ្យជឿ។
ភាពល្បាញល្បីរបស់ Arat បានចាប់ផ្ដើមឡើងនៅលើប្រព័ន្ធបណ្ដាញសង្គម Instagram ក្រោយពីឪពុកខ្លួនបានបង្ហោះវីដេអូមួយបង្ហាញពីសមត្ថភាពឡើងជញ្ជាំងផ្ទះរបស់ Arat។ ក្រោយផ្ទុះភាពចាប់អារម្មណ៍ លោក Mohammad Hosseini ដែលជាឪពុក ក៏បន្តបង្ហោះវីដេអូកូនជាបន្តបន្ទាប់មកទល់នឹងបច្ចុប្បន្ននេះ។ ទេពកោសល្យពីកំណើតបានធ្វើឲ្យ Arat ស្រឡាញ់ការហាត់កីឡាគ្រប់ប្រភេទ តែក្ដីស្រមៃធំបំផុតមួយទៅអនាគត កុមារា Arat ចង់ក្លាយជាកីឡាករបាល់ទាត់ដ៏ឆ្នើមមួយរូបដូចនិមិត្តរូបរបស់ខ្លួនអ៊ីចឹងគឺកីឡាករ Cristiano Ronaldo និងកីឡាករ Lionel Messi។ សព្វថ្ងៃ Arat តែងហាត់កីឡាបាល់ទាត់ជារៀងរាល់ថ្ងៃ។
ដោយមើលឃើញពីសមត្ថភាពកូន និងទឹកចិត្តជាឪពុក លោក Mohammad បានសម្រេចនាំក្រុមគ្រួសារចាកចេញពីប្រទេសអ៊ីរ៉ង់ ទៅរស់នៅឯប្រទេសអង់គ្លេសវិញ ដែលនៅទីនោះ Arat ទទួលបានឱកាសធំគឺមានការអញ្ជើញឲ្យចូលរួមហ្វឹកហាត់នៅក្នុងក្លឹបបង្រៀនបាល់ទាត់ផ្លូវការ Liverpool Academy។ សូមបញ្ជាក់ថា នៅអង់គ្លេស មិនមែនមានតែក្លឹប១នោះទេដែលចង់ឲ្យ Arat ចូលរួមក្រុមរបស់ខ្លួន ពោលគឺមានច្រើនក្លឹបបាល់ទាត់ជាច្រើនឯទៀត គឺគ្រាន់តែ Arat ជ្រើសយក Liverpool ប៉ុណ្ណោះ៕