តារាសម្ដែងស្រីទម្ងន់ជាង១០០គីឡូ ដើរតួសំខាន់ក្នុងរឿង សាមកុក ស៊េរីថ្មី

2020-08-10 03:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅក្នុងខ្សែភាពយន្តភាគបុរាណ សាមកុកថ្មី ដែលផលិតឡើងដោយជប៉ុន តារាសម្ដែងស្រី Naomi Watanebe នឹងរ៉ាប់រងតួ កំពូលសម្រស់ Diao Chan។ នេះគឺជាលើកទី១ហើយ ដែលតួអង្គនេះត្រូវបានសម្ដែងដោយតារាដែលមានទម្ងន់ជាង១០០គីឡូ។

មុននេះបន្តិច បណ្ដាញព័ត៌មានចិនបានរាយការណ៍ពីគំរោងថតខ្សែភាពយន្តភាគ សាមកុក ជំនាន់ថ្មីដែលផលិតដោយប្រទេសជប៉ុនផ្ទាល់។ ទន្ទឹមនឹងនេះ ក្រុមការងាររបស់រឿងខាងលើ ក៏ប្រកាសពីតួអង្គនៅក្នុងរឿងផងដែរ។

តាមនោះដែរ តួអង្គ Diao Chan ដែលត្រូវបានគេស្គាល់ថាជារាជិនីសម្រស់សម័យសាមកុកនោះ ត្រូវបានសម្ដែងដោយតារាកំប្លែងស្រី ទម្ងន់ធ្ងន់ Naomi Watanabe។ នៅក្នុងប្រវត្តិសាស្ត្រ Diao Chan ត្រូវបានគេបរិយាយថាជានារីដែលមានរាងស្គមស្ដើង ដូចនេះ ក្រុមការងារខាងលើត្រូវបានគេលើកឡើងថា ធ្វើអ្វីដែលប្លែកមិនដែលមានពីមុន។

ទោះបីជាទស្សនិកជនជប៉ុន ហាក់មិនមានប្រតិកកម្មអ្វីខ្លាំងនឹងព័ត៌មានខាងលើមែនពិត តែទស្សនិកជនចិនហាក់មិនពេញចិត្តនឹងការជ្រើសរើសតួនេះឡើយ ដោយពួកគេគិតថា ជប៉ុនយកប្រវត្តិសាស្ត្ររបស់ពួកគេលេងសើច ត្បិតតារាសម្ដែងនេះ មានរូបរាងខុសពីអ្វីដែលប្រវត្តិចារទុក៕