ដឹងអត់! គេហែក​កូរ៉េ​ជាពីរយ៉ាងម៉េច?

  • 2020-08-10 04:17:14
  • ចំនួនមតិ 0 | ចំនួនចែករំលែក 0

ចន្លោះមិនឃើញ


បន្ទាប់ពី​ការដកទ័ព​ចេញ​របស់ជប៉ុន ឧបទ្វីប​កូរ៉េ​ត្រូវបាន​បែងចែកជាពីរត្រង់​ខ្សែស្របទី៣៨។ ការបែងចែកនេះ ធ្វើឡើង​ក្នុងសន្និសីទក្រុងផតស្តាម ខែសីហា ឆ្នាំ​១៩៤៥ រវាង​សហភាព​សូវៀត និង​សហរដ្ឋអាមេរិក ក្នុងនោះ ផ្នែកខាងជើងនៃខ្សែស្របទី៣៨ (កូរ៉េខាងជើង) គ្រប់គ្រង​ដោយសូវៀត និង​ភាគខាងត្បូង​នៃខ្សែស្រប (កូរ៉េខាងត្បូង) គ្រប់គ្រងដោយអាមេរិក។

សហភាព​សូវៀត បានបង្កើត​រដ្ឋាភិបាល​កុម្មុយនិស្ត​នៅកូរ៉េខាងជើង ក្រោម​ការដឹកនាំ​របស់ គីម អ៊ីលស៊ុង។ ចំណែក​អាមេរិក បានបង្កើត​រដ្ឋាភិបាលយោធានៅកូរ៉េខាងត្បូង ក្រោមការដឹកនាំរបស់​ប្រធានាធិបតី Syngman Rhee។

នៅខែមិថុនា ឆ្នាំ​១៩៥០ កូរ៉េទាំងពីរបានផ្ទុះសង្គ្រាមនឹងគ្នា បង្កឡើង​រដ្ឋាភិបាលកុម្មុយនិស្តកូរ៉េខាងជើងដែល​មានការគាំទ្រពីសូវៀត​ បាន​វាយឆ្លងកាត់​ខ្សែស្របទី៣៨ ចូលឈ្លានពានកូរ៉េខាងត្បូង។ ក្រោយមកទ័ព​អង្គការសហប្រជាជាតិ ដែលដឹកនាំដោយ​អាមេរិក បាន​ចូលទៅជួយកូរ៉េខាងត្បូង វាយបណ្តេញ​កូរ៉េ​ខាងជើង​វិញ រហូតដល់ជិត​ព្រំដែនចិន។ ឃើញ​ស្ថានការណ៍មិនស្រួល ប្រទេសចិន ក្រោម​ការដឹកនាំរបស់លោក ម៉ៅ សេទុង បាន​បញ្ជូន​ទ័ពទៅជួយកូរ៉េខាងជើង​ផងដែរ។

យ៉ាងណាមិញ ការប្រយុទ្ធគ្នានេះ បានបណ្តាលឱ្យភាគីទាំងសងខាង​មាន​ទាហានស្លាប់ និងរបួស​សរុបជាង ២លាន​នាក់ ហើយ​បាន​សម្រេចបញ្ចប់សង្គ្រាម​នៅខែកក្កដា ឆ្នាំ​១៩៥៣។ ព្រំដែន​កូរ៉េទាំងពីរ ត្រូវវិលទៅខណ្ឌចែកដោយខ្សែស្របទី៣៨ដដែល៕

ប្រភព៖ britannica

អត្ថបទថ្មី
;