Mia លក់របរម្យ៉ាងដែលធ្លាប់ប្រើពេលថតរឿងអាសអាភាស ដើម្បីជួយដល់លីបង់
- 2020-08-12 03:58:07
- ចំនួនមតិ 0 | ចំនួនចែករំលែក 0
Mia លក់របរម្យ៉ាងដែលធ្លាប់ប្រើពេលថតរឿងអាសអាភាស ដើម្បីជួយដល់លីបង់
ចន្លោះមិនឃើញ
រឿងសោកនាដកម្មមួយបានកើតឡើងនៅក្នុងប្រទេសលីបង់ កាលពីថ្ងៃទី៥ ខែសីហា ឆ្នាំ២០២០ គឺការផ្ទុះឃ្លាំងស្ដុកអាម៉ូញ៉ូមនីត្រាត នៅក្រុងបេរ៉ូត ដែលបណ្ដាលឲ្យមានមនុស្សស្លាប់យ៉ាងហោចណាស់ ១៥៨នាក់ និងរបួសប្រមាណ ៥០០០នាក់។ បុគ្គលល្បីៗជាច្រើនបានរៃអង្គាស ក៏ដូចជាបរិច្ចាគប្រាក់ផ្ទាល់ដើម្បីបង្ហាញពីសកម្មភាពមនុស្សធម៌ចំពោះប្រជាជនលីបង់ដែលកំពុងរងគ្រោះ។ នៅក្នុងនោះក៏មានអតីតតារាសិចមួយរូបគឺ Mia Khalifa ផងដែរ។ Mia បានសម្រេចបរិច្ចាគ ដោយការដាក់លក់ដេញថ្លៃវ៉ែនតាដ៏ល្បីរបស់ខ្លួននៅលើវិបសាយ Ebay។
មកទល់នឹងបច្ចុប្បន្ន ការដេញថ្លៃវ៉ែនតារបស់ Mia បានហក់ឡើងខ្ពស់មិនគួរឲ្យជឿរហូតដល់ខ្ទង់១០ម៉ឺនដុល្លារហើយ (គិតត្រឹមថ្ងៃទី១២ ខែសីហា)។ បើតាមសារបង្ហោះនៅលើបណ្ដាញសង្គម Mia បានរៀបរាប់ថា លុយដែលទទួលបានពីការលក់វ៉ែនតានេះនឹងប្រគល់ជូនដល់កាកបាទក្រហមលីបង់ទាំងអស់ ដើម្បីជាផ្នែកមួយជួយដល់ជនរងគ្រោះនៃការផ្ទុះឃ្លាំងស្ដុកអាម៉ូញ៉ូមនីត្រាតនាពេលកន្លងទៅ។
តារាស្រីកើតនៅឆ្នាំ១៩៩៣រូបនេះ បានបញ្ជាក់ថា វ៉ែនតានេះគឺជារបស់ដែលនាងធ្លាប់ប្រើប្រាស់កំឡុងពេលកំពុងថតរឿងអាសអាភាស ដូច្នេះហើយនាងប្រើពាក្យបង្ហាញពីលក្ខណៈវ៉ែនតាថា "used and abused (ត្រូវបានប្រើរួច និងត្រូវបានរំលោភបំពាន)"។ យ៉ាងណាមិញ នាងក៏រៀបរាប់ដែរថា នាងនឹងចុះហត្ថលេខាផ្ទាល់ដៃនៅលើវ៉ែនតាសម្រាប់អ្នកដេញថ្លៃបានសម្រេច ហើយថែមទៀតថតរូបមួយសន្លឹកពាក់វ៉ែនតានេះជាលើកចុងក្រោយផងដែរ៕