អាហារ ៤មុខមិនត្រូវញ៉ាំក្រោយពេលហាត់ប្រាណ បើមិនចង់ឡើងគីឡូលើសដើម

2020-08-12 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទោះខំហាត់ប្រាណគ្មានលស់មួយថ្ងៃក៏ដោយ ប៉ុន្តែបើមិត្តៗស្ត្រីនៅតែញ៉ាំអាហារទាំងនេះក្រោយហាត់ប្រាននោះ គឺគ្មានថ្ងៃទទួលបានរាងស្អាតឡើយ។

១. ភេសជ្ជៈប្រតេអ៊ីនមានជាតិស្ករ

នេះគឺជាប្រភេទទឹកផឹកដែលមិត្តៗនារីចូលចិត្តផឹកក្រោយពេលហាត់ប្រាណរួច ព្រោះវាអាចជំនួយកម្លាំង និងបំបាត់ភាពស្រេកទឹកបានភ្លាមៗ។ យ៉ាងណាក្ដី ជាតិស្ករនៅក្នុងប្រភេទភេសជ្ជៈនេះនឹងធ្វើឲ្យទម្ងន់របស់អ្នកមិនត្រឹមតែមិនចុះនោះទេ គឺអាចឡើងលើសដើម ហើយជាតិស្ករក៏ធ្វើឲ្យសាច់របស់អ្នកយារធ្លាក់ផងដែរ។

២. អត់ញ៉ាំ carbohydrate

អ្នកហាត់ប្រាណមួយចំនួន មានជំនឿថា បើទទួលទាន carbohydrate នឹងធ្វើឲ្យរាងគេមិនស្អាត ស្រកគីឡូមិនលឿនដូចប្រាថ្នា។ យ៉ាងណាក្ដី នេះគឺជាការគិតដ៏ខុសមួយ ត្បិតចំនួនកាឡូរីនៅក្នុង carbohydrate មិនច្រើនឡើយ តែជាតិនេះជួយឲ្យរាងកាយមានកម្លាំងច្រើន មិនឆាប់ឃ្លាន។ អ្នកអាចរកបាន carbohydrate នៅក្នុងនំប៉័ង និងបន្លែនានា។

៣. ភេសជ្ជៈប៉ូវកម្លាំង

បើស្ដាប់ទៅប្រភេទទឹកនេះហាក់ស័ក្ដសមនឹងអ្នកហាត់កីឡា ព្រោះវាអាចជំនួយកម្លាំងបានភ្លាមៗ។ យ៉ាងណាក្ដី ប្រភេទទឹកនេះនឹងសម្លាប់រាល់ការព្យាយាមហាត់ប្រាណរបស់អ្នកទាំងស្រុង ព្រោះវាគ្មានផ្ទុកអ្វីក្រោពីជាតិស្ករឡើយ។ មិនត្រឹមតែប៉ុណ្ណោះ វាមិនបានជួយបំបាត់ភាពស្រេកទឹកដែរ។

៤. ប្រភេទអាហារចៀន សម្បូរខ្លាញ់

ប្រភេទអាហារចៀន ពាំនាំមកនូវអត្ថប្រយោជន៍តិចបំផុតដល់សុខភាព តែមានផលអាក្រក់ច្រើន។ ការញ៉ាំអាហារបំពង ឬចៀន ធ្វើឲ្យក្រពះរំលាយអាហារយូរជាងធម្មតា ដែលធ្វើឲ្យអ្នកពិបាកស្រកគីឡូ។ បន្ថែមពីនេះ ជាតិខ្លាញ់នៅក្នុងប្រេង នឹងធ្វើឲ្យកើនខ្លាញ់ ពិបាកមានសាច់ហាប់ណែនដូចដែលប្រាថ្នា៕