ប្រទេសអាស៊ាន​ណាខ្លះ ដែលមាននាវាមុជទឹក?

  • 2020-08-24 02:18:30
  • ចំនួនមតិ 0 | ចំនួនចែករំលែក 0

ចន្លោះមិនឃើញ


មកដល់ពេលនេះ ប្រទេស​អាស៊ានបីប៉ុណ្ណោះដែលមាននាវាមុជទឹករួមមាន វៀតណាម ៦គ្រឿង, ម៉ាឡេស៊ី ២គ្រឿង និងមីយ៉ាន់ម៉ា ១គ្រឿង។ នេះបើតាម​វេបសាយ Globalfirepower។

គួរកត់សម្គាល់ថា កាលពីចុងសប្តាហ៍កន្លងទៅ អនុគណៈកម្មាធិការមួយរបស់​សភាថៃ បាន​យល់ព្រម​ឱ្យរដ្ឋាភិបាល​ ធ្វើនីតិវិធី​ទិញ​នាវាមុជទឹក ២គ្រឿងពីប្រទេសចិន ក្នុងតម្លៃប្រមាណ ២២,៥ពាន់លានបាត។ ក្នុងនោះ នាវាមុជទឹកទីមួយ បាន​បញ្ចប់នីតិវិធីរួចហើយ​ដោយប្រើថវិកាឆ្នាំ​២០១៧ ហើយ​នឹងប្រគល់​ឱ្យ​ថៃ នៅឆ្នាំ​២០២៤។

ចំណែក​ប្រទេស​អាស៊ាន​មួយទៀត គឺ​ឥណ្ឌូណេស៊ី បាន​ចុះកិច្ចព្រមព្រៀង​ជាមួយកូរ៉េខាងត្បូង ក្នុងការទិញ​នាវាមុជទឹក ៣គ្រឿងកាលពីឆ្នាំ​២០១១ តម្លៃ ១,០៧ពាន់លានដុល្លារ។ ក្នុងនោះ ២គ្រឿង កំពុង​ផលិតនៅកូរ៉េខាងត្បូង និង១គ្រឿង​ទៀត​ផលិតនៅឥណ្ឌូណេស៊ី។ នាវាដែលផលិតក្នុងស្រុករបស់​ឥណ្ឌូណេស៊ី មានឈ្មោះថា Alugoro (405) បាន​សង់រួចហើយ ដោយ​កំពុងធ្វើតេស្តសាកល្បង៕

ចុចអាន៖ មិន​មែនអាមេរិក រុស្ស៊ី ឬចិនទេ ដែលមាន​នាវាមុជទឹកច្រើនជាងគេ​បង្អស់​ក្នុងពិភពលោក​នោះ!

ប្រភព៖ Globalfirepower

អត្ថបទថ្មី
;