​មុខងារ Find My Mobile របស់​ Samsung នា​ពេល​នេះ​អាច​ដំណើរ​ការ​បាន ទោះ​បី​ជា​ឧបករណ៍​ដែល​បាត់​ទៅ​មិន​មាន​ភ្ជាប់​ជា​មួយ​អ៊ីនធឺណិត​​ក្ដី។ ដែល​មាន​ន័យ​ថា​ប្រសិន​បើ​មាន​អ្នក​លួច​ទូរសព្ទ​របស់​អ្នក ហើយ​បិទ​អ៊ីនធឺណិត​ទូរសព្ទ ឬ Wi-Fi ក៏​អ្នក​នៅ​តែ​អាច​ស្វែង​រក​ទូរសព្ទ​បាន។

មុខងារ​ Find My Mobile អាច​ដំណើរ​ការ Offline បាន​តាម​រយៈ​ការ​ជួយ​ពី​ស្មាតហ្វូន​ ឬ Tablet នៅ​ក្បែរៗ​​ឧបករណ៍​ដែល​បាត់​ទៅ ដោយ​ស្មាតហ្វូន ឬ Tablet ដទៃ​ដែល​មាន​ដំណើរ​មុខងារ Offline finding ស្រាប់ អាច​ជួយ​ស្កេន​រក​ទីតាំង​​ស្មាតហ្វូន​ដែល​បាត់ និង​រាយការណ៍​ពី​ទីតាំង​ដល់​ម្ចាស់​ស្មាតហ្វូន​នោះ​បាន។

មុខងារ​ស្វែង​រក​​បែប Offline នេះ គឺ​មាន​នៅ​លើ Version 7.1.08.0 នៃ​កម្មវិធី Find My Mobile លើ​ឧបករណ៍ Samsung ដែល​ក្រុមហ៊ុន​បាន​បញ្ចេញ​ឲ្យ​ប្រើ​ប្រាស់​ចាប់​ពី​ពេល​នេះ។ ពេល​អាប់ដេត​កម្មវិធី​នេះ​ហើយ អ្នក​ប្រើ​ប្រាស់​ត្រូវ​ចូល​ដំណើរ​ការ​មុខងារ Offline finding ដោយ​ខ្លួន​ឯង៕​​​​